അപ്പനെ എടുത്തെറിഞ്ഞിട്ട് ഒന്ന് നോക്കാതെ പോകുന്ന ജോസ്‌മോനെ, എടാ; ജെയ്‌സണ്‍ അളിയന്‍ തള്ളിമാറ്റുന്നതിന്റെ രംഗം പുറത്തുവിട്ട് 'കോണ്‍സ്റ്റബിള്‍ പോത്തന്‍'

കേരളവും ഇന്ത്യയും കടന്ന് തരംഗമായി മാറിയിരിക്കുന്ന മലയാളത്തിന്റെ സൂപ്പര്‍ ഹീറോ ചിത്രം മിന്നല്‍ മുരളിയിലെ മേക്കിങ്ങ് വീഡിയോ പുറത്തുവിട്ട് അജു വര്‍ഗീസ്.

തന്റെ ട്വിറ്റര്‍ പേജിലൂടെയാണ് അജു വീഡിയോ പുറത്തുവിട്ടത്.

ടോവിനോ തോമസ് അവതരിപ്പിച്ച ജെയ്‌സണ്‍ എന്ന കഥാപാത്രവും അജു വര്‍ഗീസ് അവതരിപ്പിച്ച അളിയന്‍ കോണ്‍സ്റ്റബിള്‍ പോത്തന്റെ കഥാപാത്രവും തമ്മിലുള്ള കോമ്പിനേഷന്‍ സീനിന്റെ മേക്കിങ്ങ് വീഡിയോ ആണ് പുറത്തുവന്നിരിക്കുന്നത്.

ടൊവിനോയുടെ കഥാപാത്രം അജുവിന്റെ കഥാപാത്രം പോത്തനെ തള്ളിമാറ്റുന്നതും പോത്തന്റെ മകന്‍ ജോസ്‌മോനൊപ്പം സൈക്കിളെടുത്ത് പോകുന്നതുമായ രംഗത്തിന്റെ മേക്കിങ്ങ് വീഡിയോ ആണിത്. വീഡിയോ പങ്കുവെച്ച് രസകരമായ അടിക്കുറിപ്പും അജു എഴുതിയിട്ടുണ്ട്.