ചരിത്ര വിജയത്തില്‍ ലോകം കീഴടക്കി ഇന്ത്യ; അയര്‍ലാന്‍ഡിന്റെ അധിപത്യം അവസാനിപ്പിച്ച് സിംഹാസനം തൂക്കി

ജപ്പാനെതിരായ സുസൂക്കി കപ്പില്‍ ഇന്ത്യ വിജയം സ്വന്തമാക്കിയിരുന്നു. സനോ അന്താരാഷ്ട്ര ക്രിക്കറ്റ് ഗ്രൗണ്ടില്‍ നടന്ന മത്സരത്തില്‍ രണ്ട് റണ്‍സിനാിരുന്നു ഇന്ത്യയുടെ വിജയം. മത്സരത്തില്‍ ടോസ് നേടി ബാറ്റിങ് തെരഞ്ഞെടുത്ത ഇന്ത്യ അഞ്ച് ഓവറില്‍ 33 റണ്‍സായിരുന്നു ഉയര്‍ത്തിയത്.

വിജയലക്ഷ്യം പിന്തുടര്‍ന്നിറങ്ങിയ ജപ്പാന് നിശ്ചിത ഓവറില്‍ 30 റണ്‍സാണ് നേടാനായത്. മോശം കാലാവസ്ഥ മൂലം അഞ്ച് ഓവറായി ചുരുക്കിയ മത്സരത്തില്‍ ജപ്പാനെതിരെ വിജയര്‍ത്തുകുളിച്ചാണ് ഇന്ത്യ വിജയം നേടിയത്. ഈ വിജയത്തോടെ ഒരു ലോക റെക്കോഡ് സ്വന്തമാക്കിയിരിക്കുകയാണ് ഇന്ത്യ.

അന്താരാഷ്ട്ര ടി-20യില്‍ ഒരു ടീം ഡിഫന്റ് ചെയ്യുന്ന ഏറ്റവും ചെറിയ ടോട്ടലാണിത്. ഇതിന് മുമ്പ് ബര്‍മുഡയ്‌ക്കെതിരെ അയര്‍ലാന്‍ഡ് 2008ല്‍ 43 റണ്‍സിന്റെ വിജയം നേടിയരുന്നു. ഈ റെക്കോഡാണ് ഇന്ത്യ പൊളിച്ചെഴുതിയത്.

അന്താരാഷ്ട്ര ടി-20യില്‍ ഒരു ടീം ഡിഫന്റ് ചെയ്ത ഏറ്റവും ചെറിയ ടോട്ടല്‍

(റണ്‍സ്, ടീം, എതിരാളി, വര്‍ഷം എന്ന ക്രമത്തില്‍)

32 – ഇന്ത്യ – ജപ്പാന്‍ – 2026*

43 – അയര്‍ലാന്‍ഡ് – ബെര്‍മുഡ – 2008

46 – ഫിലിപ്പിന്‍സ് – വനുവാട്ടു – 2019

52 – സിറിയ ലിയോണി – എസ്വാട്ടിനി – 2022

59 – നെതര്‍ലാന്‍ഡ്‌സ് – അയര്‍ലാന്‍ഡ് – 2016

മത്സരത്തില്‍ അഭിഷേക് ശര്‍മ ഗോള്‍ഡന്‍ ഡക്കായപ്പോള്‍ സഞ്ജു സാംസണ്‍ ഒമ്പത് റണ്‍സിനും ഇഷാന്‍ കിഷന്‍ മൂന്ന് റണ്‍സിനുമാണ് മടങ്ങിയത്. 12 പന്തില്‍ 16 റണ്‍സ് നേടിയ ക്യാപ്റ്റന്‍ ശ്രേയസ് അയ്യരാണ് ടോപ്പ് സ്‌കോറര്‍. ഇന്ത്യന്‍ നിരയില്‍ ഇരട്ടയക്കം കണ്ട ഏക താരവും ക്യാപ്റ്റനാണ്. ഒമ്പത് റണ്‍സടിച്ച സഞ്ജു സാംസണാണ് രണ്ടാമത് മികച്ച റണ്‍ ഗെറ്റര്‍.

ജപ്പാനായി ചാര്‍ളി ഹിന്‍സെ രണ്ട് വിക്കറ്റും ബെഞ്ചമിന്‍ ഇറ്റോ ഡേവിസ്, ഇബ്രാഹിം തകഹാഷി എന്നിവര്‍ ഓരോ വിക്കറ്റ് വീതവും നേടി.

മറുപടി ബാറ്റിങ്ങിനിറങ്ങിയ ജപ്പാന് ആദ്യ രണ്ട് ഓവറില്‍ തന്നെ രണ്ട് വിക്കറ്റ് നഷ്ടപ്പെട്ടെങ്കിലും ക്യാപ്റ്റന്‍ കെന്‍ഡല്‍ കഡോവാക്കി-ഫ്‌ളെമിങ് ചെറുത്തുനിന്നു. 12 പന്തില്‍ 12 റണ്‍സ് നേടിയാണ് ഫ്ളെമിങ് പുറത്തായത്. ബെഞ്ചമനിന്‍ ഇറ്റോ ഡേവിസ് പുറത്താകാതെ ഒമ്പത് റണ്‍സ് നേടി രണ്ടാമത് മികച്ച റണ്‍ ഗെറ്ററായി.

അക്‌സര്‍ പട്ടേല്‍ എറിഞ്ഞ അവസാന ഓവറില്‍ വിജയിക്കാന്‍ വേണ്ടിയിരുന്നത് എട്ട് റണ്‍സായിരുന്നു. എന്നാല്‍ അക്‌സര്‍ അത് കൃത്യമായി ഡിഫന്‍ഡ് ചെയ്തതോടെ ജപ്പാന്റെ പോരാട്ടം 30/3ന് അവസാനിക്കുകയായിരുന്നു.

Content Highlight: India Becomes the team to defend the lowest total in international T20