![?php echo $post['title']; ?>](https://assets.doolnews.com/w/900x473/2022/01/chinnu-chandini.jpg)
കോഴിക്കോട്: നടിയെ ആക്രമിച്ച കേസില് റിപ്പോട്ടര് ചാനലിന് നല്കിയ പ്രതികരണത്തില് അബ്യൂസിനെ അതിജീവിച്ച നടിയെ അപമാനിച്ച പി.സി. ജോര്ജിനെതിരെ രൂക്ഷ വിമര്ശനവുമായി നടി ചിന്നു ചാന്ദിനി.
പി.സി. ജോര്ജിനെ പോലുള്ള ആളുകളോട് അഭിപ്രായം ചോദിക്കാന് ചാനലുകള് ഇപ്പോഴും വിളിക്കുന്നണ്ടല്ലോ എന്ന് ചിന്നു ചാന്ദിനി പ്രതികരിച്ചു.
തന്റെ ഇന്സ്റ്റഗ്രാം അക്കൗണ്ടിലെ സ്റ്റോറിയിലൂടെയായിരുന്നു പി.സി. ജോര്ജ് നടിയെ ആക്രമിച്ച വിഷയത്തില് റിപ്പോര്ട്ടര് ടി.വിയോട് നടത്തിയ പ്രതികരണം പങ്കുവെച്ച് ചിന്നു നിലപാട് വ്യക്തമാക്കിയത്.
‘എഴുപതു വയസ്സായി ഇയാള്ക്ക്. 30 വര്ഷമായി സജീവ രാഷ്ട്രീയത്തിലുള്ള ആളാണത്രെ. അത്യന്തം മാന്യമായി നടക്കേണ്ട ചാനല് പരിപാടികളിലേക്കാണ് അഭിപ്രായം ചോദിക്കാന് ഇയാളെ പോലുള്ളവരെ നിരന്തരം ക്ഷണിക്കുന്നത്,’ ചിന്ദു ചാന്ദിനി പറഞ്ഞു.
ആക്രമിക്കപ്പെട്ട നടിയെ ക്രൂരമായി വെര്ബല് അബ്യൂസിന് വിധേമാക്കുന്ന അശ്ലീല വാക്കുകള് ഉപയോഗിച്ചാണ് പി.സി. ജോര്ജ് വിഡീയോയില് പ്രതികരിക്കുന്നത്.
അതേസമയം, നടിയെ ആക്രമിച്ച കേസില് സംവിധായകന് ബാലചന്ദ്രകുമാറിനെ സ്വാധീനിക്കാന് നടന് ദിലീപ് ശ്രമിച്ചതിന്റെ തെളിവുകള് പുറത്തുവന്നിട്ടുണ്ട്.
ബാലചന്ദ്രകുമാറിനെ കാണാനായി തിരുവനന്തപുരത്തെത്തിയ ദിലീപ് അദ്ദേഹത്തിന് അയച്ച വാട്സ് ആപ്പ് സന്ദേശങ്ങളാണ് പുറത്തായത്.
ബാലു, ബാലു അയക്കുന്ന മെസ്സേജ് ഒന്നും സേഫല്ല എന്റെ വാട്സ്ആപ്പ് ആളുകള് ഹാക്ക് ചെയ്യുന്നുണ്ട്. ഇതിലെ മെസ്സേജുകള് കാണുന്നുണ്ട്. അതുകൊണ്ടാണ് ഞാന് പലതവണ വിളിക്കുന്നത്, എന്ന് ദിലീപ് പറയുന്നതിന്റെ വാട്സ് ആപ്പ് ഓഡിയോയാണ് പുറത്തുവന്നത്.
തന്നെ സ്വാധീനിക്കാന് വേണ്ടിയായിരുന്നു ദിലീപ് തലസ്ഥാനത്തെത്തി രണ്ട് ദിവസം തങ്ങിയതെന്ന് നേരത്തെ ബാലചന്ദ്രകുമാര് പറഞ്ഞിരുന്നു.തുടര്ച്ചയായി ദിലീപ് തന്നെ ഫോണ് ചെയ്തിരുന്നെന്നും ബാലചന്ദ്ര കുമാര് പറഞ്ഞിരുന്നു.ബാലചന്ദ്രകുമാര് ദിലീപിനെ തുടര്ച്ചയായി വിളിച്ചതിന്റെ സ്ക്രീന് ഷോട്ടുകളും റിപ്പോര്ട്ടര് ചാനല് പുറത്തുവിട്ടിട്ടുണ്ട്. താന് തിരുവനന്തപുരത്തുണ്ടെന്നും തനിക്ക് മെസ്സേജ് അയക്കാന് സാധിക്കില്ലെന്നും വാട്സ്ആപ്പില് ദിലീപ് പറയുന്നുണ്ട്.
CONTENT HIGHLIGHTS: Actress Chinnu Chandini criticizes PC George
