![?php echo $post['title']; ?>](https://assets.doolnews.com/w/900x473/2021/03/tovino.jpg)
ടൊവിനോ തോമസ് നായകനാകുന്ന മിന്നല് മുരളി എന്ന ചിത്രത്തിനായുള്ള കാത്തിരിപ്പിലാണ് ആരാധകര്. സിനിമയുടെ ഷൂട്ടിങ് വിവിധിടങ്ങളിലായി പുരോഗമിക്കുകയാണ്. ലോക്ക് ഡൗണിനെ തുടര്ന്ന് മുടങ്ങിയ ഷൂട്ടിങ്ങാണ് ഇപ്പോള് വീണ്ടും ആരംഭിച്ചിരിക്കുന്നത്.
ഇതിനിടെ ചിത്രത്തിന്റെ ലൊക്കേഷന് വിശേഷങ്ങളും പുറത്തുവന്നിരുന്നു. എന്നാല് ഇപ്പോള് ലൊക്കേഷനില് നിന്നുള്ള രസകരമായ ഒരു വീഡിയോയുമായി രംഗത്തെത്തിയിരിക്കുകയാണ് ചിത്രത്തിലെ നായകനായ ടോവിനോ.
സംഗതി വേറൊന്നുമല്ല അര്ധരാത്രിയും നീളുന്ന ഷൂട്ടിങ്ങിനിടെ പഴംകഴിച്ചുകൊണ്ട് മൈക്കില് നിര്ദേശങ്ങള് കൊടുക്കുന്ന സംവിധായകന് ബേസില് ജോസഫിനെയാണ് ടോവിനോ തന്റെ മൊബൈലില് പകര്ത്തിയത്. ജോണിച്ചേട്ടാ കത്തിച്ചോ എന്ന് മൈക്കിലൂടെ പറഞ്ഞ ശേഷം പഴം എടുത്തുകഴിക്കുന്ന ബേസിലാണ് വീഡിയോയില്.
‘വിശന്നിട്ടാണ് മൊതലാളി’ എന്ന അടിക്കുറിപ്പോടെയാണ് വീഡിയോ ടൊവിനോ പങ്കുവെച്ചത്. ടോവിനോയുടെ ക്യാമറ തന്നെ ഫോക്കസ് ചെയ്യുന്നു എന്നറിയുമ്പോള് ബേസില് ഒരു ചമ്മിയ ചിരി ചിരിക്കുന്നതും വീഡിയോയില് കാണാം. ബേസിലിനൊപ്പം തന്നെ അപ്പുറത്തെ കസേരയിലിരുന്ന് ബ്രഡ് കഴിക്കുന്ന ചിത്രത്തിന്റെ മറ്റൊരു അണിയറപ്രവര്ത്തകനേയും ടോവിനോ തന്റെ മൊബൈില് പകര്ത്തിയിട്ടുണ്ട്.
Content Highlight: Actor Tovino Share a Funny Location Video Minnal Murali Set Basiljoseph
