മഞ്ഞുമ്മല് ബോയ്സ് എന്ന ബോക്സ് ഓഫീസ് ഹിറ്റിന് ശേഷം ചിദംബരം സംവിധാനം ചെയ്ത ബാലന് സിനിമയ്ക്ക് പ്രശംസയുമായി തമിഴ് സൂപ്പര് താരം സൂര്യ.
ജിത്തു മാധവന്റെ കഥയില് ചിദംബരം ഒരുക്കിയ ബാലന് മലയാള സിനിമയില് നിന്നുള്ള മറ്റൊരു രത്നമാണെന്നും സിനിമയുടെ ഹാങ് ഓവറില് നിന്നും താന് ഇപ്പോഴും മുക്തനായിട്ടില്ലെന്നും സൂര്യ സോഷ്യല് മീഡിയയില് കുറിച്ചു.
പുതുമുഖങ്ങളുടെ തകര്പ്പന് പ്രകടനത്തെയും ടൊവിനോ തോമസിന്റെ അഭിനയത്തെയും എടുത്തുപറഞ്ഞുകൊണ്ടാണ് സൂര്യയുടെ ട്വീറ്റ്.
‘ഞാന് ‘ബാലന്’ കണ്ടു, അതിന്റെ ഹാങ് ഓവറില് നിന്നും ഞാന് ഇപ്പോഴും മുക്തനായിട്ടില്ല. ‘മഞ്ഞുമ്മല് ബോയ്സ്’ എന്ന വന് വിജയത്തിന് ശേഷം ഇങ്ങനെയൊരു സിനിമ ചെയ്യാന് തെരഞ്ഞെടുത്തതിലൂടെ സംവിധായകന് ചിദംബരവും അദ്ദേഹത്തിന്റെ ടീമും പ്രേക്ഷകര്ക്ക് എന്താണ് നല്കേണ്ടത് എന്നതിനെക്കുറിച്ച് എല്ലാം പറഞ്ഞുതരുന്നുണ്ട്. മലയാള സിനിമയില് നിന്നുള്ള മറ്റൊരു രത്നമാണ് ഈ ചിത്രം.
സൂര്യയും ജ്യോതികയും ചിദംബരത്തിനൊപ്പം Photo: Suria/X.com
ജിത്തു മാധവന്റെ ഈ വേറിട്ട കഥയ്ക്കും ഏതാണ്ട് മുഴുവനായും പുതുമുഖങ്ങളായ ഒരു കാസ്റ്റിനെ വിശ്വസിച്ച് ഇത്രയും പ്രവചനാതീതമായ ഒരു സിനിമ വിജയകരമായി ചെയ്തെടുത്തതിനും സംവിധായകനോട് വലിയ ബഹുമാനം തോന്നുന്നു.
