ഉറങ്ങി കിടക്കുകയായിരുന്ന സത്യന്‍ മാസ്റ്ററിന്റെ കാലുകളില്‍ ഞാന്‍ തൊട്ടു; ആദ്യ സിനിമയുടെ എഡിറ്റ് ചെയ്ത കളറാക്കിയ ചിത്രവും ഓര്‍മ്മകളുമായി മമ്മൂട്ടി

ഓര്‍മ്മകളുടെ വേലിയേറ്റമാണ് ഇന്ന് മമ്മൂട്ടിയുടെ മനസ്സില്‍. താന്‍ ആദ്യമായി അഭിനയിച്ച അനുഭവങ്ങള്‍ പാളിച്ചകള്‍ എന്ന ചിത്രത്തില്‍ നിന്നും ഒരു രംഗം വര്‍ഷങ്ങള്‍ക്കിപ്പുറം കാണാനായ സന്തോഷത്തിലാണ് അദ്ദേഹം.

ബ്ലാക്ക് ആന്റ് വൈറ്റ് ചിത്രമായിരുന്ന അനുഭവങ്ങള്‍ പാളിച്ചകള്‍ കളര്‍ രൂപത്തിലാക്കി എഡിറ്റ് ചെയ്തതിലെ, താന്‍ കടന്നുവരുന്ന ഭാഗത്തിന്റെ സ്‌ക്രീന്‍ ഷോട്ടാണ് മമ്മൂട്ടി ഇന്‍സ്റ്റഗ്രാമില്‍ പങ്കുവെച്ചത്.

മറ്റൊരു കാലഘട്ടത്തിന്റെ ഓര്‍മ്മകളാണ് ഈ ചിത്രം തനിക്ക് നല്‍കുന്നതെന്ന് പറഞ്ഞ മമ്മൂട്ടി, ആദ്യ ചിത്രത്തില്‍ സത്യന്‍ സാറിനൊപ്പം അഭിനയിക്കാനുള്ള ഭാഗ്യം ലഭിച്ചതിനെ കുറിച്ചും പോസ്റ്റില്‍ പറയുന്നുണ്ട്. ചിത്രം കളര്‍ രൂപത്തിലാക്കിയവര്‍ക്ക് വലിയ നന്ദിയും അദ്ദേഹം പറഞ്ഞുവെക്കുന്നുണ്ട്.

‘ഇതു ചെയ്ത വ്യക്തിക്ക് ഒരു വലിയ നന്ദി പറയുകയാണ്. വെള്ളിത്തിരയിലെ ഞാന്‍ ഏറ്റവും ആദ്യമെത്തിയ സിനിമയിലെ ഭാഗമാണിത്. ബ്ലാക്ക് ആന്റ് വൈറ്റില്‍ നിന്നും കളര്‍ കറക്ട് ചെയ്തിരിക്കുകയാണ്.

കഴിഞ്ഞുപോയ ഒരു കാലഘട്ടത്തിന്റെ തെളിച്ചമുള്ള ഓര്‍മ്മകള്‍ മനസ്സില്‍ നിറയുകയാണ്. സത്യന്‍ മാസ്റ്ററിനൊപ്പം സിനിമയില്‍ അഭിനയിക്കാനുള്ള വളരെ അപൂര്‍വ്വമായ പ്രിവില്ലേജ് ലഭിച്ച വ്യക്തിയാണ് ഞാന്‍.

Content Highlight: Actor Mammootty shares a screen shot from his first ever movie and shares shooting experience