![?php echo $post['title']; ?>](https://assets.doolnews.com/w/900x473/2019/08/lucy-1.jpg)
എറണാകുളം: സിസ്റ്റര് ലൂസി കളപ്പുരയെ എഫ്.സി.സി മഠത്തില് നിന്ന് പുറത്താക്കിയ നടപടി കോടതി താല്ക്കാലികമായി മരവിപ്പിച്ചു. മാനന്തവാടി മുന്സിഫ് കോടതിയാണ് നടപടി മരവിപ്പിച്ചത്.
തനിക്കെതിരായ നടപടിക്കെതിരെ സിസ്റ്റര് ലൂസി കോടതിയെ സമീപിക്കുകയായിരുന്നു. സഭാ ചട്ടങ്ങള്ക്ക് വിരുദ്ധമായി ജീവിച്ചെന്ന് ചൂണ്ടിക്കാട്ടിയാണ് ഫ്രാന്സിസ്കന് ക്ലാരിസ്റ്റ് കോണ്ഗ്രിഗേഷന് മഠത്തില് നിന്നും സിസ്റ്റര് ലൂസിയെ പുറത്താക്കിയത്.
തുടര്ന്ന് സഭയുടെ നടപടിക്കെതിരെ നേരിട്ട് റോമിലെത്തി വിശദീകരണം നല്കാന് അനുമതി നല്കണമെന്നാവശ്യപ്പെട്ട് മാര്പാപ്പക്ക് സിസ്റ്റര് ലൂസി കത്തയച്ചിരുന്നു.തന്നെ പുറത്താക്കിയ സഭാ നടപടിക്കെതിരെ നല്കിയ അപ്പീല് വത്തിക്കാന് തള്ളിയ സാഹചര്യത്തിലായിരുന്നു മാര്പാപ്പക്ക് കത്തയച്ചത്.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
ബിഷപ്പ് ഫ്രാങ്കോ മുളയ്ക്കലിനെതിരായ കന്യാസ്ത്രീയുടെ ലൈംഗികാക്രമണ പരാതിയിലും തുടര്ന്ന് നടന്ന കന്യാസ്ത്രീ സമരത്തിലും പങ്കെടുത്തതും ഫ്രാന്സിസ്കന് ക്ലാരിസ്റ്റ് സന്യാസ സഭയുടെ നിയമപ്രകാരമുള്ള സഭാ വസ്ത്രം ധരിക്കാതെ സഭാനിയമങ്ങളില്നിന്ന് വ്യതിചലിച്ച് സഞ്ചരിച്ചു എന്നീ കുറ്റങ്ങളാണ് പുറത്താക്കുന്നതിന്റെ ഭാഗമായി ലൂസി കളപ്പുരയ്ക്കലിനെതിരെ സന്യാസ സഭ ചുമത്തിയിരുന്നത്.
ഇക്കാര്യങ്ങള് ചെയ്തതില് നിന്നും സഭയെ തൃപ്തിപ്പെടുത്തുന്ന വിശദീകരണം നല്കുന്നതില് സിസ്റ്റര് പരാജയപ്പെട്ടെന്നാണ് സഭയുടെ വിശദീകരണം.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
DoolNews Video
