വേള്ഡ് ടി-20 ക്വാളിഫയറില് ചെക്ക് റിപ്പബ്ലിക്കിനെതിരെ കൂറ്റന് വിജയവുമായി പോര്ച്ചുഗല്. ഫിന്ലന്ഡിലെ ടിക്കുരില ക്രിക്കറ്റ് ഗ്രൗണ്ടില് നടന്ന മത്സരത്തില് ഡി.എല്.എസ് മെത്തേഡിലൂടെ 91 റണ്സിന്റെ വിജയമാണ് പറങ്കിപ്പട സ്വന്തമാക്കിയത്.
ക്യാപ്റ്റന് മോയ്സസ് ഹെന്റിക്സിന്റെ കരുത്തില് നിശ്ചിത ഓവറില് ആറ് വിക്കറ്റ് നഷ്ടത്തില് പോര്ച്ചുഗല് 211 റണ്സ് നേടി. മോശം കാലാവസ്ഥ മൂലം മത്സരം തടസ്സപ്പെടും മുമ്പ് 8.5 ഓവറില് ചെക്ക് റിപ്പബ്ലിക്കിന് അഞ്ച് വിക്കറ്റ് നഷ്ടത്തില് 24 റണ്സ് മാത്രമാണ് നേടാന് സാധിച്ചിരുന്നത്.
A maiden T20I century for Moises Henriques helps Portugal stay unbeaten on their quest to qualify for 2028 #T20WorldCup 💥https://t.co/r1y260kQrT
ഡി.എല്.എസ് മെത്തേഡില് വിജയലക്ഷ്യം പുനര്നിശ്ചയിച്ചപ്പോള് ടീമിന് വിജയിക്കാന് ആ സമയം 116 റണ്സ് വേണ്ടിയിരുന്നു. ഇതോടെയാണ് 91 റണ്സിന്റെ വിജയം പോര്ച്ചുഗലിന്റെ പേരില് കുറിക്കപ്പെട്ടത്.
മത്സരത്തില് ടോസ് നേടി ബാറ്റിങ് തെരഞ്ഞെടുത്ത പോര്ച്ചുഗലിന് ആദ്യ പന്തില് തന്നെ പിഴച്ചിരുന്നു. ഓപ്പണര് എന്. ധവാല്കുമാര് ജോ കോപ്പിന് വിക്കറ്റ് നല്കി മടങ്ങി.
എന്നാല് വണ് ഡൗണായി ക്യാപ്റ്റനെത്തിയതോടെ പറങ്കിപ്പട കളി പിടിച്ചു. ക്രിസ് ഡെഫ്രിറ്റസിനെ ഒപ്പം കൂട്ടി ഹെന്റിക്സ് രണ്ടാം വിക്കറ്റില് സെഞ്ച്വറി കൂട്ടുകെട്ട് പടുത്തുയര്ത്തി. 16 പന്തില് 30 റണ്സ് നേടി ഡെഫ്രിറ്റസ് പുറത്താകുമ്പോള് പോര്ച്ചുഗല് 107 റണ്സ് നേടിയിരുന്നു.
ശേഷമെത്തിയ വിക്കറ്റ് കീപ്പര് ക്രെയ്ഗ് കച്ചോപയെ ഒരറ്റത്ത് നിര്ത്തി ഹെന്റിക്സ് മറുവശത്ത് നിന്നും കൊടുങ്കാറ്റഴിച്ചുവിട്ടു. 51 പന്ത് നേരിട്ട് 111 റണ്സടിച്ചാണ് പോര്ച്ചുഗീസ് ക്യാപ്റ്റന് മടങ്ങിയത്. 12 ഫോറും ഏഴ് സിക്സറും അടക്കം 217.65 സ്ട്രൈക് റേറ്റിലാണ് താരം ബാറ്റ് വീശിയത്.
A cracking knock from Moises Henriques in Portugal’s #T20WorldCup sub-regional qualifying action 👊
8.5 ഓവറില് അഞ്ചിന് 24 എന്ന നിലയില് ബാറ്റിങ് തുടരവെ മത്സരം മോശം കാലാവസ്ഥ മൂലം തടസ്സപ്പെടുകയും ഡി.എല്.എസ് മെത്തേഡില് പോര്ച്ചുഗലിനെ വിജയികളായി പ്രഖ്യാപിക്കുകകയുമായിരുന്നു.
Content Highlight: World T20 Qualifier: Portugal defeated Czech Republic
