![?php echo $post['title']; ?>](https://assets.doolnews.com/w/900x473/2024/05/bjphate-sppech.gif)
ന്യൂദല്‍ഹി: സനാതന ധര്‍മവും മുസ്‌ലിങ്ങളും തമ്മിലുള്ള പോരാട്ടമാണ് ലോക്‌സഭാ തെരഞ്ഞെടുപ്പില്‍ നടക്കുന്നതെന്ന് ബി.ജെ.പി നേതാവ് രവീന്ദര്‍ സിങ് നേഗി. ദല്‍ഹിയിലെ പ്രാദേശിക പാര്‍ക്കുകളില്‍ നടത്തിയ പ്രസംഗത്തിലാണ് പരാമര്‍ശം. പ്രസംഗത്തിന്റ ദൃശ്യങ്ങള്‍ സമൂഹ മാധ്യമങ്ങളില്‍ പ്രചരിച്ചതോടെയാണ് വിദ്വേഷ പരാമര്‍ശം പുറത്തുവന്നത്.
തെരഞ്ഞെടുപ്പില്‍ മുസ്‌ലിം സ്ത്രീകള്‍ വ്യക്തമായ തീരുമാനങ്ങളോടെ സംഘടിച്ചാണ് വോട്ട് ചെയ്യുന്നത്. അതിന് സമാനമായി ഹിന്ദു സമുദായത്തിലെ സ്ത്രീകളും വോട്ട് ചെയ്യണമെന്നാണ് രവീന്ദര്‍ നേഗി പറഞ്ഞത്.
ബുര്‍ഖ ധരിച്ചുകൊണ്ടുള്ള മുസ്‌ലിം സ്ത്രീകള്‍ വോട്ട് ചെയ്യാന്‍ ക്യൂവില്‍ നില്‍ക്കുന്നതുപോലെ ഹിന്ദു വിഭാഗത്തില്‍ പെട്ടവരും വോട്ട് ചെയ്യാന്‍ പോളിങ് സ്റ്റേഷനില്‍ തിരക്കിട്ട് എത്തണമെന്നും നേഗി പറഞ്ഞു.
