കോഴിക്കോട്: എസ്.എസ്.എല്.സി പരീക്ഷാ ഫലം പ്രഖ്യാപിച്ചു. സംസ്ഥാനത്ത് 99.07 ശതമാനം വിജയം.
പൊതു വിദ്യാഭ്യാസ ഡയറക്ടറാണ് ഇത്തവണ ഫലം പ്രഖ്യാപിച്ചത്. പരീക്ഷയെഴുതിയവരില് 30,516 വിദ്യാര്ത്ഥികകള്ക്ക് എല്ലാ വിഷയത്തിലും എ പ്ലസ് ലഭിച്ചു. 4,14,290 പേര് ഉന്നത വിദ്യാഭ്യാസത്തിന് യോഗ്യത നേടി
വാട്സ്ആപ്പ് നമ്പര് വഴിയും മൊബൈല് ആപ്പിലും വിവിധ സര്ക്കാര് വെബ്സൈറ്റുകളിലും ഫലം അറിയാന് സാധിക്കും. ഐ.ടി. മിഷന്റ ‘നമ്മുടെ കേരളം (Nammude Keralam)’ ആന്ഡ്രോയ്ഡ്, ഐ.ഒ.എസ് ആപ്പുകളില് ഫലം ലഭിക്കും. ഐ.ടി. മിഷന്റെ 9188619958 എന്ന വാട്സാപ്പ് നമ്പറിലും ഫലമറിയാം.
3031 പരീക്ഷാ കേന്ദ്രങ്ങളിലായി ആകെ 4,17,497 വിദ്യാര്ത്ഥികളാണ് സംസ്ഥാനത്ത് ഇത്തവണ പരീക്ഷ എഴുതിയത്. ലക്ഷദ്വീപില് 633 വിദ്യാര്ത്ഥികള് ഏഴു കേന്ദ്രങ്ങളിലായി പരീക്ഷ എഴുതി. 14 ദിവസങ്ങളിലായി 72 ക്യാമ്പുകളിലായാണ് മൂല്യനിര്ണയം നടന്നത്.
