ഇന്ത്യയ്ക്കെതിരായ ടെസ്റ്റ് പരമ്പരയ്ക്കുള്ള സ്ക്വാഡ് പുറത്തുവിട്ട് ശ്രീലങ്ക. 16 അംഗങ്ങള് ഉള്പ്പെടുന്ന സ്ക്വാഡാണ് ശ്രീലങ്കന് ക്രിക്കറ്റ് പുറത്തുവിട്ടത്. ധനഞ്ജയ ഡി സില്വയെയാണ് ലങ്ക ക്യാപ്റ്റന്സി ഏല്പ്പിച്ചത്.
വൈസ് ക്യാപ്റ്റന് കാമിന്ദു മെന്ഡിസാണ്.
സൂപ്പര് താരങ്ങളായ കുശാല് മെന്ഡിസും പാത്തും നിസങ്കയുമില്ലാതെയാണ് ലങ്ക ഇന്ത്യയെ നേരിടാനിറങ്ങുന്നത്. സൂപ്പര് വിക്കറ്റ് കീപ്പര് ബാറ്റര് കുശാല് മെന്ഡിസിന് പകരം നിരോഷന് ഡിക്വെല്ലയാണ് സ്ഥാനം ഏറ്റെടുത്തത്.
ധനഞ്ജയ ഡി സില്വ (ക്യാപ്റ്റന്), ലഹിരു ഉദാര, നിഷാന് മധുഷ്ക, കാമിന്ദു മെന്ഡിസ് (വൈസ് ക്യാപ്റ്റന്), ദിനേഷ് ചണ്ഡിമല്, പസിന്ദു സൂരിയബന്ധാര, സോണല് ദിനുഷ, നിരോഷന് ഡിക്വെല്ല (വിക്കറ്റ് കീപ്പര്), രമേഷ് മെന്ഡിസ്, പ്രഭാത് ജയസൂര്യ, കേശര നുവന്ത, മിലന് രത്നായകെ, അസിത ഫെര്ണാണ്ടോ, ലഹിരു കുമാര, വിശ്വ ഫെര്ണാണ്ടോ, ദില്ഷന് മധുഷങ്ക
ശ്രീലങ്കയ്ക്കെതിരായ ടെസ്റ്റ് മത്സരത്തിനുള്ള തയ്യാറെടുപ്പിലാണ് ഇന്ത്യയും. പരമ്പരയ്ക്ക് മുന്നോടിയായുള്ള ടെസ്റ്റ് മത്സരത്തില് ഇന്ത്യ വിജയിച്ചിരുന്നു. എന്നാല് സൂപ്പര് താരം ജസ്പ്രീത് ബുംറയും സായ് സുദര്ശനും ഇന്ത്യന് സ്ക്വാഡില് നിന്ന് പുറത്തായത് ഇന്ത്യയ്ക്ക് തിരിച്ചടിയായിരുന്നു. സായ് സുദര്ശന് പകരം സര്ഫറാസ് ഖാനാണ് സ്ക്വാഡില് ഇടം നേടിയത്.
ശുഭ്മന് ഗില് (ക്യാപ്റ്റന്), കെ.എല്. രാഹുല് (വൈസ് ക്യാപ്റ്റന്), യശസ്വി ജെയ്സ്വാള്, റിഷബ് പന്ത് (വിക്കറ്റ് കീപ്പര്), ധ്രുവ് ജുറേല് (വിക്കറ്റ് കീപ്പര്), രവീന്ദ്ര ജഡേജ, കുല്ദീപ് യാദവ്, മാനവ് സുതര്, മുഹമ്മദ് സിറാജ്, പ്രസിദ്ധ് കൃഷ്ണ, ഗുര്നൂര് ബ്രാര്, ദേവ്ദത്ത് പടിക്കല്, സാരാന്ഷ് ജെയിന്, ആകിബ് നബി, സര്ഫറാസ് ഖാന്
പരമ്പരയിലെ ആദ്യ മത്സരം ഓഗസ്റ്റ് 15 മുതല് 19 വരെ ഗല്ലെയിലാണ് നടക്കുന്നത്. രണ്ടാം മത്സരം ഓഗസ്റ്റ് 23 മുതല് 27 വരെ കൊളംബോയിലും നടക്കും.
Content Highlight: Sri Lanka announces squad for Test series against India
