![?php echo $post['title']; ?>](https://assets.doolnews.com/w/900x473/2019/10/shanepinarayi.jpg)
തിരുവനന്തപുരം: നടന് ഷെയ്ന് നിഗത്തിനെതിരെ നിര്മാതാവ് വധഭീഷണിയുയര്ത്തിയ വിഷയത്തില് പ്രതികരണവുമായി എഴുത്തുകാരി ശാരദക്കുട്ടി.
നിര്മ്മാതാവ് ജോബി ജോര്ജിന്റെ ഓഡിയോ കേള്ക്കാനിടയായെന്നും അയാളുപയോഗിക്കുന്ന ഭാഷ ഭയപ്പെടുത്തുന്ന വിധത്തില് അക്രമാസക്തമാണെന്നും ശാരദക്കുട്ടി പറഞ്ഞു.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
ആ ഓഡിയോയില് കേള്ക്കുന്ന ഭയജനകമായ ഭാഷ ഒരു ജനാധിപത്യ സമൂഹത്തിന് കേട്ടിരിക്കാനോ താങ്ങാനോ വെച്ചുപൊറുപ്പിക്കാനോ ആകുന്നതല്ല.
ഇന്നലെയും ഇത്തരമൊരു വിഷയത്തില് നമ്മള് ആശങ്കപ്പെട്ടതാണ്. തീര്ച്ചയായും പ്രകടമായ തെളിവുകളുള്ള ഇത്തരം അക്രമ ഭീഷണികള്ക്കെതിരെ, ഭീഷണി മുഴക്കുന്നവര്ക്കെതിരെ സര്ക്കാര് ഉചിതമായ നടപടി എടുക്കേണ്ടതാണ്.
ബഹുമാനപ്പെട്ട മുഖ്യമന്ത്രി, ഷെയ്ന് നിഗം എന്ന കലാകാരന് ഒരു അനാഥനെപ്പോലെ നിന്ന് ഭയന്നു വിറയ്ക്കുന്നത് കേരളത്തിലാണ്. അടൂര് ഗോപാലകൃഷ്ണനു നേരെ വരുന്ന ഭീഷണിയോളം ഗൗരവം ഓരോ ചെറിയ മനുഷ്യന്റെയും ഭയങ്ങള്ക്കു നേരെ ഉണ്ടാകണം. ഉചിതമായ ഇടപെടലുണ്ടാകണം.- ശാരദക്കുട്ടി ഫേസ്ബുക്ക് പോസ്റ്റില് പറഞ്ഞു.
ഇന്സ്റ്റഗ്രാം ലൈവിലായിരുന്നു ഷൈന് തനിക്കെതിരെ വധഭീഷണി ഉണ്ടെന്ന കാര്യം അറിയിച്ചത്. ജോബി ജോര്ജ് നിര്മ്മിക്കുന്ന വെയില് എന്ന ചിത്രവും മറ്റൊരു പടമായ കുര്ബാനിയും ഒരുമിച്ചാണ് ചിത്രീകരണം നടക്കുന്നത്. ഇരു ചിത്രങ്ങളിലുമായി മൂന്ന് ഗെറ്റപ്പിലാണ് താന് വരുന്നതെന്നും വെയിലിനായി, മുന്നിലെ മുടി നീട്ടിയ ഒരു ഗെറ്റപ്പുണ്ട്. എന്നാല് കുര്ബാനി മറ്റൊരു ഗെറ്റപ്പ് വേണ്ടതിനാല് പിന്നിലെ മുടി അല്പ്പം മാറ്റി. ഇതില് തെറ്റിദ്ധരിച്ച് നിര്മ്മാതാവ് ജോബി, ഞാന് വെയില് ഷൂട്ട് മുടക്കാനാണ് ഇത് ചെയ്തത് എന്ന് ആരോപിച്ച് തനിക്കെതിരെ വധ ഭീഷണി മുഴക്കിയെന്നാണ് ഷെയ്ന് പറയുന്നത്.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
അഭിക്കയുടെ മകനായത് കൊണ്ട് താന് അനുഭവിക്കുന്നത് ചില്ലറയല്ല എന്നും ലൈവില് ഷെയ്ന് പറയുന്നു. സംഭവത്തില്, താരസംഘടനയായ അമ്മയ്ക്ക് പരാതി നല്കിയിട്ടുണ്ടെന്നും ജോബിക്കെതിരെ പൊലീസിനെ സമീപിച്ച് നിയമനടപടികളുമായി മുന്നോട്ട് പോകുമെന്നും താരം വ്യക്തമാക്കിയിട്ടുണ്ട്.
