ഐ.പി.എല്ലില് ഇന്ന് നടക്കുന്ന മത്സരത്തില് ഗുജറാത്ത് ടൈറ്റന്സും ചെന്നൈ സൂപ്പര് കിങ്സും തമ്മിലാണ് ഏറ്റുമുട്ടുന്നത്. മത്സരത്തില് ടോസ് നേടിയ ചെന്നൈ ഫീല്ഡിങ്ങാണ് തെരഞ്ഞെടുത്തത്. നിലവില് നാല് ഓവര് പൂര്ത്തിയായപ്പോള് ഗുജറാത്ത് വിക്കറ്റ് ഒന്നും നഷ്ടപ്പെടാതെ 45 റണ്സ് നേടിയിട്ടുണ്ട്. 14 റണ്സുമായി സായ് സുദര്ശനും 26 റണ്സുമായി ക്യാപ്റ്റന് ശുഭ്മന് ഗില്ലുമാണ് ക്രീസില് ഉള്ളത്.
എന്നാല് മത്സരത്തിനിടയില് ചെന്നൈയ്ക്ക് വലിയ തിരിച്ചടിയാണ് സംഭവിച്ചിരിക്കുന്നത്. സൂപ്പര്താരം സഞ്ജു സാംസണിന് പരിക്ക് പറ്റി പുറത്ത് പോയിരിക്കുകയാണ്. കീപ്പിങ്ങിനിടയില് കൈവിരലില് പന്ത് തട്ടിയാണ് സഞ്ജുവിന് പരിക്ക് പറ്റിയത്.
🚨 BIG INJURY SCARE FOR CSK! 🚨
Sanju Samson has walked off the field after taking a blow to his left little finger while keeping wickets against GT.
– Urvil Patel has taken over the wicketkeeping duties.
– Sarfaraz Khan is currently on the field as the substitute fielder. pic.twitter.com/mwdniM3YWL
കടുത്ത വേദന അനുഭവപ്പെട്ടതോടെ സഞ്ജു മെഡിക്കല് ടീമിനെ ഗ്രൗണ്ടിലേക്ക് വിളിക്കുകയായിരുന്നു. ശേഷം മെഡിക്കല് ടീമിനൊപ്പം താരം ഡഗൗട്ടിലേക്ക് തിരിച്ചു പോവുകയായിരുന്നു. ഇതോടെ വിക്കറ്റ് കീപ്പറായി ഉര്വില് പട്ടേല് ആണ് താരത്തിന് പകരം കളത്തില് ഇറങ്ങിയിരിക്കുന്നത്. സഞ്ജു തിരികെ കളത്തിലേക്ക് വരുമെന്ന് പ്രതീക്ഷയിലാണ് ആരാധകര്.
