ഐ.പി.എല്ലേ കണ്ടോളൂ ഇതാണ് ബൗളിംഗ്; പേസാക്രമണത്തിന്റെ മൂര്‍ച്ച കൈവിടാതെ ശ്രീശാന്ത്; വീഡിയോ

ഐ.പി.എല്ലിന്റെ മെഗാലേലത്തിന് ദിവസങ്ങള്‍ മാത്രം ശേഷിക്കെ തന്റെ പ്രതാപ കാലത്തെ പ്രകടനം ഓര്‍മിപ്പിച്ച് ശ്രീശാന്ത്. രഞ്ജി ട്രോഫിയില്‍ ഔട്ട് സ്വിംഗറിലൂടെ ബാറ്ററെ പുറത്താക്കിയ വീഡിയോ പങ്കുവെച്ചായിരുന്നു താരം തന്റെ ബൗളിംഗ് മികവിനെ ഓര്‍മിപ്പിച്ചത്.

നടക്കാനിരിക്കുന്ന അഭ്യന്തര റെഡ്‌ബോള്‍ ടൂര്‍ണമെന്റായ രഞ്ജി ട്രോഫിക്കുള്ള കേരള ടീമില്‍ താരവും ഉള്‍പ്പെട്ടിട്ടുണ്ട്. വയസ് 39 ആയെങ്കിലും ഒരങ്കത്തിന് ഇനിയും തനിക്ക് ബാല്യം ബാക്കിയുണ്ടെന്ന് തെളിയിക്കുകയാണ് ശ്രീശാന്ത്.

കഴിഞ്ഞ ദിവസമായിരുന്നു കേരള ക്രിക്കറ്റ് അസോസിയേഷന്‍ രഞ്ജിക്കുള്ള 20 അംഗ ടീമിനെ പ്രഖ്യാപിച്ചത്. സച്ചിന്‍ ബേബി നായകനാവുന്ന ടീമില്‍, വിക്കറ്റ് കീപ്പര്‍ ബാറ്റര്‍ വിഷ്ണു വിനോദാണ് സഹനായകന്‍.

Content Highlight:  S Sreesanth clean bowls a batter with perfect outswinger ahead of IPL 2022 auction