ഇന്ത്യന് മണ്ണില് ചരിത്രം കുറിച്ച് അഫ്ഗാന് ബൗളര് റഷീദ് ഖാന്. ഇന്ത്യയില് 50 ടി – 20 വിക്കറ്റുകള് സ്വന്തമാക്കുന്ന ആദ്യ താരമെന്ന നേട്ടമാണ് താരം സ്വന്തമാക്കിയത്. ഇന്ന് 2026 ടി – 20 ലോകകപ്പില് നടന്ന സൗത്ത് ആഫ്രിക്കക്ക് എതിരെ നടന്ന മത്സരത്തിലാണ് താരത്തിന്റെ ഈ നേട്ടം.
രണ്ട് സൂപ്പര് ഓവറുകള് പിറന്ന മത്സരത്തില് റാഷിദ് രണ്ട് വിക്കറ്റുകള് വീഴ്ത്തിയിരുന്നു. നാല് ഓവറില് വെറും 28 റണ്സ് മാത്രം വിട്ടുകൊടുത്തായിരുന്നു താരത്തിന്റെ ഈ പ്രകടനം. ഇതോടെയാണ് താരത്തിന് ഇന്ത്യയില് 50 വിക്കറ്റുകള് നേടുന്ന ആദ്യ താരമെന്ന നേട്ടം സ്വന്തമാക്കാന് സാധിച്ചത്. ലോകകപ്പിലെ രണ്ടാം മത്സരത്തിലും ജയിക്കാന് സാധിച്ചില്ലെങ്കിലും ഇന്ത്യന് താരങ്ങള്ക്ക് പോലുമില്ലാത്ത നേട്ടമാണ് താരം തന്റെ പേരില് എഴുതി ചേര്ത്തത്.
റാഷിദ് ഖാന്. Photo: MI London/x.com
ഇന്ത്യയില് ഏറ്റവും കൂടുതല് ടി – 20 വിക്കറ്റുകള് നേടിയ താരങ്ങള്
അതേസമയം, കണ്ട നിന്ന ആരാധകര്ക്ക് ഹാര്ട്ട് അറ്റാക്ക് സമ്മാനിച്ച മത്സരത്തില് അഫ്ഗാന് സൗത്ത് ആഫ്രിക്കയോട് തോല്വി വഴങ്ങിയിരുന്നു. രണ്ട് സൂപ്പര് ഓവറുകള് പിറന്ന മത്സരത്തില് ടീം നാല് റണ്സിനാണ് തോല്വി വഴങ്ങിയത്.
A game for the ages! Afghanistan gave it everything they could.
South Africa wins an edge-of-the-seat thriller after TWO Super Overs! 😱
In one of the greatest games in T20 World Cup history, the Protea Fire prevails! 🔥
മത്സരത്തില് ആദ്യം ബാറ്റ് ചെയ്ത പ്രോട്ടിയാസ് 187 റണ്സെടുത്തിരുന്നു. മറുപടി ബാറ്റിങ്ങില് അഫ്ഗാനും ഇതേ സ്കോറിലെത്തി. അതോടെ സൂപ്പര് ഓവറിലേക്ക് കളി നീളുകയായിരുന്നു. എന്നാല്, ആദ്യ സൂപ്പര് ഓവറിലും ഇരു ടീമുകളും സമനില പാലിച്ചതോടെ മറ്റൊരു സൂപ്പര് ഓവര് നടത്താനും തീരുമാനിച്ചു.
ഇതില് ആദ്യം ബാറ്റ് ചെയ്ത പ്രോട്ടിയാസ് 24 റണ്സിന്റെ വിജയലക്ഷ്യമുയര്ത്തി. ഇതുപിന്തുടര്ന്ന അഫ്ഗാന് വിജയിക്കുമെന്ന് പ്രതീതി ഉണര്ത്തിയെങ്കിലും അവസാന പന്തില് ടീമിന് കാലിടറുകയായിരുന്നു.
Content Highlight: Rashid Khan became first bowler to complete 50 T20I wickets in India