ഉന്നാവോയില്‍  പെണ്‍കുട്ടിക്ക് നേരെ  അക്രമം; പെണ്‍കുട്ടിയെ തീകൊളുത്തി ; ഗുരുതരാവസ്ഥയില്‍ ആശുപത്രിയില്‍
national news
ഉന്നാവോയില്‍ പെണ്‍കുട്ടിക്ക് നേരെ അക്രമം; പെണ്‍കുട്ടിയെ തീകൊളുത്തി ; ഗുരുതരാവസ്ഥയില്‍ ആശുപത്രിയില്‍
ന്യൂസ് ഡെസ്‌ക്
Thursday, 5th December 2019, 10:42 am

ലക്‌നൗ: ലൈംഗീക അതിക്രമത്തെ അതിജീവിച്ച ഉന്നാവോ പെണ്‍കുട്ടിയെ തീ കൊളുത്തി കൊല്ലാന്‍ ശ്രമം. പെണ്‍കുട്ടിയെ ഗുരുതരാവസ്ഥയില്‍ ലക്‌നൗ ആശുപത്രിയിലേക്ക് മാറ്റിയിരിക്കുകയാണ്.

തനിക്ക് ജീവന് ഭീഷണിയുണ്ടെന്ന് പെണ്‍കുട്ടി നേരത്തെ പരാതി നല്‍കിയിരുന്നു. അഞ്ചുപേരാണ് അക്രമം നടത്തിയതെന്നാണ് പൊലീസ് പറയുന്നത്. ഇതില്‍ മൂന്ന് പേരെ പിടികൂടിയതായി പൊലീസ് പറഞ്ഞു. പെണ്‍കുട്ടിയുടെ ശരീരത്തില്‍ 80 ശതമാനത്തോളം പൊള്ളലേറ്റതായാണ് വിവരം.

വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ

പെണ്‍കുട്ടിയെ ലൈംഗീക അതിക്രമത്തിന് ഇരയാക്കിയ സംഭവത്തില്‍ അറസ്റ്റിലായ പ്രതിയുടെ നേതൃത്വത്തിലാണ് പെണ്‍കുട്ടിയെ തീ കൊളുത്തിയത്. ഇയാള്‍ കഴിഞ്ഞ ദിവസമാണ് ജാമ്യത്തില്‍ ഇറങ്ങിയത്.

കേസിലെ പ്രധാന പ്രതിയായ യുവാവും പെണ്‍കുട്ടിയും കഴിഞ്ഞ വര്‍ഷം വിവാഹിതരായിരുന്നു. എന്നാല്‍ കുടുംബത്തിന്റെ പിന്തുണയില്ലാത്തതിനാല്‍ പിന്നീട് പിരിഞ്ഞു താമസിക്കുകയായിരുന്നു.

ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ