കോൺഗ്രസ്, എ.എ.പി. സഖ്യം വൈകുന്നതിന്റെ ഉത്തരവാദിത്തം അരവിന്ദ് കെജ്‌രിവാളിനെന്ന് രാഹുൽ ഗാന്ധി; മറുപടിയുമായി കെജ്‌രിവാൾ
national news
കോൺഗ്രസ്, എ.എ.പി. സഖ്യം വൈകുന്നതിന്റെ ഉത്തരവാദിത്തം അരവിന്ദ് കെജ്‌രിവാളിനെന്ന് രാഹുൽ ഗാന്ധി; മറുപടിയുമായി കെജ്‌രിവാൾ
ന്യൂസ് ഡെസ്‌ക്
Monday, 15th April 2019, 8:02 pm

ന്യൂ​ദ​ൽ​ഹി: കോ​ണ്‍​ഗ്ര​സ്, എ​.എ.​പി. സ​ഖ്യ​ത്തി​ൽ തീ​രു​മാ​നം വൈ​കു​ന്ന​തിന് ഉ​ത്ത​ര​വാ​ദി​ ദൽ​ഹി മു​ഖ്യ​മ​ന്ത്രി അ​ര​വി​ന്ദ് കെജ്‌രിവാളാണെന്ന് കോ​ണ്‍​ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി. നാ​ലു സീ​റ്റു​ക​ൾ ആം ആദ്മി പാർട്ടിക്ക് ന​ൽ​കാ​ൻ ത​യ്യാ​റാ​യെ​ങ്കി​ലും കെജ്‌രിവാൾ നി​ല​പാ​ട് മാറ്റുകയാണ് ഉണ്ടായതെന്ന് രാ​ഹു​ൽ പ​റ​ഞ്ഞു.

‘കോ​ണ്‍​ഗ്ര​സ് വാ​തി​ൽ തു​റ​ന്നി​ട്ടി​രി​ക്കു​ക​യാ​ണ്. കോ​ണ്‍​ഗ്ര​സ്, എ​.എ.​പി. സ​ഖ്യം​ വ​ന്നാ​ൽ ബി​.ജെ.​പി. തു​ട​ച്ചു​നീ​ക്ക​പ്പെ​ടും. സ​ഖ്യ​തീ​രു​മാ​ന​ത്തി​ൽ സ​മ​യം അ​തി​ക്ര​മി​ക്ക​രു​ത്’ രാ​ഹു​ൽ പറഞ്ഞു.

അ​തേ​സ​മ​യം, രാ​ഹു​ലി​നു മ​റു​പ​ടി​യു​മാ​യി കെജ്‌രിവാൾ രം​ഗ​ത്തെ​ത്തി. ഡ​ൽ​ഹി​യി​ലെ സ​ഖ്യ​ത്തി​ന്‍റെ കാ​ര്യ​ത്തി​ൽ എ​.എ.​പി. എ​ന്ത് മ​ല​ക്കം മ​റി​യ​ലാ​ണ് ന​ട​ത്തി​യ​തെ​ന്ന് രാ​ഹു​ൽ വ്യ​ക്ത​മാ​ക്ക​ണ​മെ​ന്ന് കെജ്‌രിവാൾ ആ​വ​ശ്യ​പ്പെ​ട്ടു.

എന്നാൽ ഉ​ത്ത​ർ​പ്ര​ദേ​ശ് ഉ​ൾ​പ്പെ​ടെ എ​ല്ലാ​യി​ട​ത്തും മോ​ദി വി​രു​ദ്ധ വോ​ട്ടു​ക​ൾ രാ​ഹു​ൽ ഭി​ന്നി​പ്പി​ക്കു​ക​യാ​ണെ​ന്നും കെജ്‌രിവാൾ കു​റ്റ​പ്പെ​ടു​ത്തി. നേ​ര​ത്തെ ആ​ഴ്ച​ക​ള്‍ നീ​ണ്ട അ​നി​ശ്ചി​ത​ത്വം അ​വ​സാ​നി​പ്പി​ച്ച് ഡൽഹിയിൽ കോ​ണ്‍​ഗ്ര​സു​മാ​യി സ​ഖ്യ​മി​ല്ലെ​ന്ന് ആം ​ആ​ദ്മി പാ​ര്‍​ട്ടി ഔ​ദ്യോ​ഗി​ക​മാ​യി പ്ര​ഖ്യാ​പി​ച്ചി​രു​ന്നു.