![?php echo $post['title']; ?>](https://assets.doolnews.com/w/900x473/2017/08/pc.jpg)
കോഴിക്കോട്: നടി ആക്രമിക്കപ്പെട്ട സംഭവത്തില് നടിയെ അപമാനിക്കുന്ന തരത്തില് പൂഞ്ഞാര് എം.എല്.എ പി.സി ജോര്ജ് കഴിഞ്ഞ ദിവസം പ്രസ്താവന നടത്തിയത് വാര്ത്തയായിരുന്നു. ഇതിനു പിന്നാലെ പി.സിയ്ക്ക് മറുപടിയുമായി നടിയും ഡബ്ബിംഗ് ആര്ട്ടിസ്റ്റുമായ ഭാഗ്യലക്ഷ്മിയും ഗായിക സായനോരയും രംഗത്ത് വന്നിരുന്നു. ഇപ്പോഴിതാ ഭാഗ്യലക്ഷ്മിയ്ക്കും സായനോരയ്ക്കും മറുപടി നല്കി പി.സി ജോര്ജ് വീണ്ടും രംഗത്തെത്തിയിരിക്കുകയാണ്.
ഫെയ്സ്ബുക്ക് പോസ്റ്റിലൂടെയായിരുന്നു പി.സി ജോര്ജിന്റെ പ്രതികരണം. കേസിന്റെ പശ്ചാത്തലം അറിയാതെയാണ് ഭാഗ്യലക്ഷ്മി എന്നെക്കുറിച്ച് പറഞ്ഞത്. സ്ത്രീത്വത്തെക്കുറിച്ചും സദാചാര ബോധത്തെക്കുറിച്ചും ഉപദേശിക്കാനും പറഞ്ഞു തരുവാനും ഏറ്റവും അര്ഹതയുള്ള മാന്യവനിത തന്നെയാണവര് എന്ന കാര്യത്തില് എനിക്ക് ഒരുതരി സംശയം പോലും ബാക്കിയില്ല. അത്ര മികച്ച നിലവാരത്തിലുള്ള സംഭാവനകളും പ്രവര്ത്തനങ്ങളും അവരുടേതൊയ മേഖലകളില് അവര് നല്കിയിട്ടുമുണ്ട്. പൊതുജനങ്ങള്ക്ക് അത് വിശദമായി അറിയില്ലെങ്കിലും സിനിമാരംഗത്ത് പ്രവര്ത്തിക്കുന്നവര്ക്ക് അക്കാര്യത്തില് വിശദവും കൃത്യവുമായ ബോദ്ധ്യമുണ്ടെന്ന കാര്യത്തില് എനിക്ക് രണ്ടുപക്ഷവുമില്ല. പക്ഷേ ഏങ്കിലും മറുപടി പറയാതിരിക്കാനുമാവില്ല.
ശരിയാണ്, പി.സി ജോര്ജ് പറയുന്നു.
വലിയ അംഗസംഖ്യയുള്ള കുടുംബമായിരുന്നതുകൊണ്ട് സ്ത്രീകളായ ബന്ധുജനങ്ങള് അനവധിയായിരുന്നു. ഏഷ്യയിലെ ഏറ്റവും ജനസംഖ്യയുള്ള പഞ്ചായത്തില് വളര്ന്നതിനാല് അസംഖ്യം വീടുകളുമായി അടുത്ത് സഹകരിച്ചാണ് വളര്ന്നത്. അവിടെയൊക്കെ മാന്യമായി മാനത്തോടെ കഴിഞ്ഞിരുന്ന സ്ത്രീകളില് നിന്നാണ് ഞാന് പെണ്ണിന്റെ മാനത്തിന്റെ ബാലപാഠങ്ങള് പഠിച്ചത്.
അനുഭവസമ്പത്ത് ഏറെയുണ്ടെന്ന് ചുരുക്കം. അതുകൊണ്ട് ഈ പ്രായത്തിലെത്തിനില്ക്കുന്ന ഞാന് പെണ്ണിന്റെ മാനം എന്തെന്നു പഠിക്കാന് പുറത്തു നിന്നുമൊരു കോച്ചിംഗ് എടുക്കാന് ഉദ്ദേശിക്കുന്നില്ലെന്നു കൂടി മാന്യ സോദരിയായ സ്ത്രീരത്നത്തെ അറിയിക്കുന്നു. പി.സി ജോര്ജ് പറയുന്നു.
തനിക്കെതിരെ രംഗത്തെത്തിയ സായനോരയേയും പി.സി ജോര്ജ് പോസ്റ്റില് വിമര്ശിക്കുന്നുണ്ട്.” ഒരു കേസിനെക്കുറിച്ച് പരാമര്ശിക്കുമ്പോള് എഫ്.ഐ.ആര് എങ്കിലും വായിച്ചു നോക്കണമെന്നാണ് ആ കുഞ്ഞ് എന്നെ ഉപദേശിച്ചതായി ഞാന് മനസ്സിലാക്കുന്നത്. ആ കുഞ്ഞിനുള്ള മറുപടി, ദൂരെ നിന്ന് പോലിസിനെ കണ്ടും പിന്നവരെക്കുറിച്ചുമുള്ള കേട്ടറിവും മാത്രമല്ലേ കുഞ്ഞിനുള്ളൂ? എനിക്കങ്ങനെയല്ല കുഞ്ഞേ അടുത്തു നിന്നുള്ള അറിവുണ്ട്. ജനങ്ങള് എന്നെയേല്പ്പിച്ച ഞാന് ചെയ്യുന്ന ജോലിയുടെ ഒരു പ്രത്യേകത മൂലം പോലീസിനെക്കുറിച്ചും അവര് തയ്യാറാക്കുന്ന എഫ്.ഐ.ആറിനെക്കുറിച്ചും വളരെ അടുത്തു നിന്നുള്ള കൃത്യമായ അറിവ് എനിക്കുണ്ട്. അതുകൊണ്ടാണ് പോലീസ് റിപ്പോര്ട്ടുകളെയും മാധ്യമ റിപ്പോര്ട്ടുകളെയും ഞാന് വെള്ളം തൊടാതെ വിഴുങ്ങാത്തതെന്ന വിവരം അ വിമര്ശനക്കുഞ്ഞിനെ കൂടി അറിയിക്കട്ടെ.” എന്നായിരുന്നു അ്ദ്ദേഹത്തിന്റെ പ്രതികരണം.
പി.സി ജോര്ജിന്റെ ഫെയസ്ബുക്ക് പോസ്റ്റിന്റെ പൂര്ണ്ണരൂപം
