മാര്ച്ച് 30നാണ് ഫാന്സ് ഫേവറേറ്റ്സായ ചെന്നൈ സൂപ്പര് കിങ്സിന്റെ ആദ്യ മത്സരം. രാജസ്ഥാന് റോയല്സാണ് എതിരാളികള്. രാജസ്ഥാന്റെ രണ്ടാം ഹോം ഗ്രൗണ്ടായ ഗുവാഹത്തിയിലെ ബര്സപാര സ്റ്റേഡിയത്തിലാണ് മത്സരം അരങ്ങേറുക. മത്സരത്തില് ചെന്നൈയുടെ എക്കാലത്തെയും മിന്നും താരമായ എം.എസ്. ധോണി കളത്തിലിറങ്ങുമോ എന്നാണ് ആരാധകര് ഉറ്റുനോക്കുന്നത്. താരം ഇംപാക്ട് പ്ലെയറായി കളിക്കാന് സാധ്യതയുണ്ടെന്ന് നേരത്തെ റിപ്പോര്ട്ടുകള് ഉണ്ടായിരുന്നു.
എന്നാല് കളത്തിലിറങ്ങിയാല് ഐ.പി.എല് ചരിത്രത്തിലെ തന്നെ ഒരു വമ്പന് റെക്കോഡില് ധോണിക്ക് മുന്നേറാനുള്ള അവസരവുമുണ്ട്. ടൂര്ണമെന്റില് ഏറ്റവും കൂടുതല് മത്സരങ്ങള് കളിച്ച താരം എന്ന നേട്ടത്തില് തുടരാനാണ് ധോണിക്ക് സാധിക്കുക.
278 മത്സരങ്ങളാണ് ധോണി ഐപി.എല്ലില് കളിച്ചത്. ഏറ്റവും കൂടുതല് മത്സരങ്ങള് കളിച്ച രണ്ടാമത്തെ താരം രോഹിത് ശര്മയാണ്. 272 മത്സരങ്ങളിലാണ് രോഹിത് കളത്തിലിറങ്ങിയത്. ഈ ലിസ്റ്റില് മൂന്നാം സ്ഥാനത്ത് വിരാട് കോഹ്ലിയാണ്.
