ന്യൂയോര്ക്: കാലിഫോര്ണിയയില് കാണാതായ ഇന്ത്യന് വിദ്യാര്ത്ഥിയെ മരിച്ച നിലയില് കണ്ടെത്തി. കര്ണാടക സ്വദേശിയായ സാകേത് ശ്രീനിവാസയ്യയെയാണ് മരിച്ച നിലയില് കണ്ടെത്തിയത്.
ആറ് ദിവസമായി നടന്ന തിരച്ചിലുകള്ക്കൊടുവിലാണ് യൂണിവേഴ്സിറ്റി ഓഫ് കാലിഫോര്ണിയ, ബെര്ക്ലി ക്യാമ്പസിന് സമാപത്തെ ലേക്ക് അന്സയില് നിന്നും സാകേതിന്റെ മൃതദേഹം കണ്ടെത്തുന്നത്.
ആറ് ദിവസമായി സാകേതിനെ കാണാനില്ലെന്നും കണ്ടെത്താന് സഹായിക്കണമെന്നുമാവശ്യപ്പെട്ടുകൊണ്ട് സുഹൃത്തുക്കള് ലിങ്ക്ഡ്ഇന്നില് പോസ്റ്റ് പങ്കുവെച്ചതോടെയാണ് വിവരം പുറത്തുവരുന്നത്.
ഫെബ്രുവരി ഒമ്പതിനാണ് സാകേതിനെ അവസാനമായി കണ്ടത്. ക്യാമ്പസില് നിന്ന് ഒരു കിലോമീറ്റര് അകലെ വെച്ച് കാണാതായതിനെ തുടര്ന്ന് വലിയ രീതിയിലുള്ള തിരച്ചില് നടന്നിരുന്നു.
തിരച്ചിലിനിടെ ടില്ഡന് റീജ്യണല് പാര്ക്കിന് സമീപമുള്ള ഒരു വീടിന് അടുത്തുനിന്ന് സാകേതിന്റെ പാസ്പോര്ട്ടും ലാപ്ടോപ്പും അടങ്ങിയ ബാഗ് കണ്ടെത്തിയിരുന്നു.
സാന് ഫ്രാന്സിസ്കോയിലെ ഇന്ത്യന് കോണ്സുലേറ്റ് മരണവാര്ത്ത സ്ഥിരീകരിച്ചു. സാകേതിന്റെ കുടുംബത്തിന് അനുശോചനം രേഖപ്പെടുത്തിയ കോണ്സുലേറ്റ്, മൃതദേഹം ഇന്ത്യയിലേക്ക് എത്തിക്കുന്നതിനുള്ള നടപടികള്ക്ക് എല്ലാ സഹായങ്ങളും വാഗ്ദാനം ചെയ്തിട്ടുണ്ട്.
The Consulate deeply regrets to inform that local police have confirmed the recovery of the body of the missing Indian student, Saketh Sreenivasaiah. We extend our heartfelt condolences to his family and loved ones during this profoundly difficult time.
സാകേതിന്റെ കുടുംബാംഗങ്ങളുമായി ഇന്ത്യന് കോണ്സുലേറ്റ് നേരിട്ട് ബന്ധപ്പെടുന്നുണ്ടെന്നും നിയമപരമായ നടപടികള് പൂര്ത്തിയാക്കാന് പിന്തുണ നല്കുന്നുണ്ടെന്നും അധികൃതര് അറിയിച്ചു.
