റൊണാൾഡോയെ പിന്തള്ളി മെസി; വീണ്ടും റെക്കോഡ്

ലോകകപ്പ് ഫുട്ബോൾ കിരീടം ശിരസ്സിലേറ്റിയിരിക്കുകയാണ് സാക്ഷാൽ മിശിഹാ. ഖത്തറിന്റെ മണ്ണിൽ അരങ്ങേറിയ ഫുട്ബോൾ മഹാമേളയുടെ കലാശക്കൊട്ടിൽ ഖത്തറിലെ ഏറ്റവും വലിയ സ്റ്റേഡിയമായ ലുസൈലിൽ വെച്ച് ഫ്രാൻസിനെ തകർത്ത് വിട്ട് മെസി ഒടുവിൽ ഫുട്ബോളിലെ ഏറ്റവും വലിയ നേട്ടങ്ങളിലൊന്നായ ലോകകപ്പും സ്വന്തമാക്കി.

എന്നാലിപ്പോൾ ലോകകപ്പ് കിരീടം നേടിയതിന് തൊട്ടു പിന്നാലെ മറ്റൊരു മികച്ച ഫുട്ബോളറും ഇൻസ്റ്റഗ്രാമിൽ ഏറ്റവും കൂടുതൽ പേർ പിന്തുടരുന്ന വ്യക്തിയുമായ ക്രിസ്റ്റ്യാനോ റൊണാൾഡോയുടെ റെക്കോർഡ്‌ തകർത്തിരിക്കുകയാണ് മെസി.

ലോകകപ്പിൽ മെസി കപ്പ്‌ ഉയർത്തുന്ന ഫോട്ടോക്ക് ഏകദേശം അൻപത് മില്യനിൽ കൂടുതൽ ലൈക്‌ ആണ് ഇൻസ്റ്റാഗ്രാമിൽ നിന്നും ലഭിച്ചത്. ഒരു കായിക താരത്തിന്റെ ഏതെങ്കിലുമൊരു ഫോട്ടോക്ക് ഇത്രയേറെ ലൈക്കുകൾ ഇതിന് മുമ്പ് ലഭിച്ചിട്ടില്ല.

Content Highlights:Messi overtakes Ronaldo’s record