കര്‍ണാടകയില്‍ അനങ്ങാതെ മഞ്ഞുമ്മല്‍ ബോയ്‌സ്, ഭീഷണിയുയര്‍ത്തി ബെത്‌ലഹേം കുടുംബ യൂണിറ്റ്

ഖലീഫയും ഐ ആം ഗെയ്മും അടക്കം രണ്ട് വമ്പന്‍ ചിത്രങ്ങള്‍ക്കൊപ്പം ക്ലാഷായിട്ടായിരുന്നു നിവിന്‍ പോളിയും മമിത ബൈജുവും പ്രധാനവേഷത്തിലെത്തിയ ബെത്‌ലഹേം കുടുംബ യൂണിറ്റ് റിലീസ് ചെയ്യാന്‍ തീരുമാനിച്ചിരുന്നത്. രണ്ട് വമ്പന്‍ ആക്ഷന്‍ ചിത്രങ്ങള്‍ക്കൊപ്പം ചിത്രം റിലീസ് ചെയ്യുന്നത് നല്ല തീരുമാനമല്ല എന്ന് പലരും അഭിപ്രായപ്പെട്ടെങ്കിലും കൂടെയെത്തിയ ചിത്രങ്ങളെയെല്ലാം അടിച്ച് നിലംപരിശാക്കിയാണ് ഗിരീഷ് എ.ഡി സംവിധാനം ചെയ്ത ബെത്‌ലഹേം തിയേറ്ററുകളില്‍ മുന്നേറിയത്. ചിത്രത്തെ ഫാമിലി പ്രേക്ഷകര്‍ ഏറ്റെടുത്തതോടെ ഓണാവധിയും കഴിഞ്ഞ് വന്‍ കുതിപ്പാണ് ബെത്‌ലഹേം നടത്തിയത്. ഇതോടെ കേരള ബോക്‌സ് ഓഫീസിലെ ഇന്‍ഡസ്ട്രി ഹിറ്റായും ചിത്രം മാറിയിരുന്നു.

ബെത്‌ലഹേം കുടുംബ യൂണിറ്റ്. Photo: District

ഓഗസ്റ്റ് 21ന് റിലീസ് ചെയ്ത ബെത്‌ലഹേം അതിന്റെ മൂന്നാം ആഴ്ചയിലാണ് ഈ നേട്ടത്തിലെത്തിയിരിക്കുന്നത്. കേരള ബോക്‌സ് ഓഫീസില്‍ നിന്നും 138 കോടിയോളം നേടിയാണ് ബെത്‌ലഹേമിന്റെ കുതിപ്പ്. അതേസമയം 123 കോടിയായിരുന്നു വാഴ 2വിന്റെ കേരള ബോക്‌സ് ഓഫീസ് കളക്ഷന്‍. ഇതോടെ 2000ന് ശേഷം മലയാള സിനിമയില്‍ നിന്നും ഇന്‍ഡസ്ട്രി ഹിറ്റെന്ന നേട്ടത്തിലെത്തുന്ന പതിനൊന്നാമത്തെ ചിത്രമായി ബെത്‌ലഹേം മാറിയിരുന്നു. കേരള ബോക്‌സ് ഓഫീസില്‍ നിന്നും സ്ഥിരതയാര്‍ന്ന പ്രകടനം കാഴ്ചവെച്ചാണ് ബെത്‌ലഹേം ഈ നേട്ടത്തിലെത്തിയിരിക്കുന്നത്. റിലീസ് ചെയ്ത മൂന്നാം വീക്കെന്‍ഡിലും ചിത്രം മികച്ച പ്രകടനമാണ് തിയേറ്ററുകളില്‍ കാഴ്ചവെച്ചിരിക്കുന്നത്.

ഇപ്പോഴിതാ കര്‍ണാടകയില്‍ നിന്നും ചിത്രത്തിന് മികച്ച സ്വീകാര്യതയാണ് ലഭിക്കുന്നത്. റിലീസ് ചെയ്തത് മുതലുള്ള കണക്കുപ്രാകാരം ബെത്‌ലഹേം 13.48കോടി നേടിയതായാണ് കണക്കുകള്‍ സൂചിപ്പിക്കുന്നത്. കേരള ബോക്‌സ് ഓഫീസിലും ആഗോളതലത്തിലും ഏറ്റവും കൂടുതല്‍ കളക്ഷന്‍ നേടുന്ന ചിത്രമാണ് ബെത്‌ലഹേമെങ്കിലും കര്‍ണാടക ബോക്‌സ് ഓഫീസിലെ കളക്ഷന്റെ ലിസ്റ്റില്‍ നാലാം സ്ഥാനത്താണ് ചിത്രമുള്ളത്.

മഞ്ഞുമ്മല്‍ ബോയ്‌സ്. Photo: X.com

2024ല്‍ പുറത്തിറങ്ങിയ ചിദംബരം സംവിധാനം ചെയ്ത സര്‍വൈവല്‍ ത്രില്ലര്‍ ചിത്രം മഞ്ഞുമ്മല്‍ ബോയ്‌സാണ് കര്‍ണാടകയില്‍ നിന്നും ഏറ്റവും കൂടുതല്‍ കളക്ഷന്‍ നേടിയിരിക്കുന്നത്. 15.83 കോടിയാണ് ചിത്രം നേടിയത്. 14.80 കോടിയുമായി രണ്ടാം സ്ഥാനത്ത് ലോകഃ ചാപ്റ്റര്‍ വണ്‍ ചന്ദ്രയും 14.25 കോടിയുമായി മോഹന്‍ലാലിന്റെ ദൃശ്യം 3യുമാണ്.

Content Highlight: Manjummel Boys lead in Karnataka box office even amid Bethlehem Boys wave