ചരിത്രത്തിലേക്ക് ഇനി ഇവരും; വനിതാ ടീമുമായി കേരളാ ബ്ലാസ്റ്റേഴ്‌സ്

കേരളത്തില്‍ ഫുട്‌ബോളിന് പുതിയ ഭാവുകത്വം സൃഷ്ടിച്ച ടീമാണ് കേരള ബ്ലാസ്റ്റേഴ്‌സ്. ഇത്രയും നാള്‍ മറ്റ് ടീമിന് വേണ്ടി ആര്‍പ്പുവിളിച്ച കേരളത്തിലെ ഫുട്‌ബോള്‍ ഭ്രാന്തന്‍മാര്‍ക്ക് ആര്‍പ്പുവിളിക്കാനും ആവേശത്തിരയേറാനും സ്വന്തമായി ലഭിച്ച ടീമായിരുന്നു ബ്ലാസ്റ്റേഴ്‌സ്.

ഐ.എസ്.എല്ലിന്റെ ആരംഭം മുതല്‍ക്കു തന്നെ കേരളത്തെയൊന്നാകെ മഞ്ഞക്കടലാക്കിയ ബ്ലാസ്റ്റേഴ്‌സ് ഇപ്പോള്‍ പുതിയ ചുവടുവെപ്പിനൊരുങ്ങുകയാണ്. പുതുതായി വനിതാ ടീം അനൗണ്‍സ് ചെയ്താണ് ബ്ലാസ്റ്റേഴ്‌സ് പുതിയ തുടക്കത്തിനൊരുങ്ങുന്നത്.

തങ്ങളുടെ സോഷ്യല്‍ മീഡിയ പ്ലാറ്റ്‌ഫോമുകള്‍ വഴി പങ്കുവെച്ച വീഡിയോയിലാണ് ബ്ലാസ്‌റ്റേഴ്‌സ് പുതിയ ടീമിനെ കുറിച്ച് പറയുന്നത്.