പ്രമുഖ മാധ്യമപ്രവര്ത്തകന് കെ.ജി. പരമേശ്വരന് നായര് അന്തരിച്ചു
ആദര്ശ് എം.കെ.
Wednesday, 20th May 2026, 8:03 pm
തിരുവനന്തപുരം: മുതിര്ന്ന മാധ്യമപ്രവര്ത്തകനും സ്വദേശാഭിമാനി-കേസരി പുരസ്കാര ജേതാവുമായ കെ.ജി. പരമേശ്വരന് നായര് (94) അന്തരിച്ചു. തിരുവനന്തപുരം തൃക്കണ്ണാപുരം സൊസൈറ്റി റോഡിലെ വസതിയിലായിരുന്നു അന്ത്യം.
ദീര്ഘകാലം കേരള കൗമുദിയില് പത്രപ്രവര്ത്തകനായിരുന്ന അദ്ദേഹം നിയമസഭാ റിപ്പോര്ട്ടിങ്ങില് പ്രാഗല്ഭ്യം തെളിയിച്ച വ്യക്തിയായിരുന്നു. ഏറ്റവും കൂടുതല് കാലം നിയമസഭാ റിപ്പോര്ട്ടറായി സേവനമനുഷ്ഠിച്ചതിന് നിയമസഭയുടെ പ്രത്യേക ആദരവും പുരസ്കാരവും അദ്ദേഹത്തിന് ലഭിച്ചിട്ടുണ്ട്.
