ഐ.പി.എല് 2025ലെ ആദ്യ ഫൈനലിസ്റ്റുകളായിരിക്കുകയാണ് റോയല് ചലഞ്ചേഴ്സ് ബെംഗളൂരു. പഞ്ചാബ് കിങ്സിനെ തകര്ത്താണ് റോയല് ചലഞ്ചേഴ്സ് ബെംഗളൂരു ഫൈനലിലെത്തിയത്. മുല്ലാന്പൂരില് നടന്ന ആദ്യ ക്വാളിഫയറില് ഹോം ടീമിനെ പരാജയപ്പെടുത്തുകയായിരുന്നു രജതും കൂട്ടരും.
പഞ്ചാബ് ഉയര്ത്തിയ 102 റണ്സിന്റെ വിജയലക്ഷ്യം രണ്ട് വിക്കറ്റ് മാത്രം നഷ്ടപ്പെടുത്തി പത്ത് ഓവറില് ആര്.സി.ബി മറികടക്കുകയായിരുന്നു. ഫില് സാള്ട്ടിന്റെ അര്ധ സെഞ്ച്വറി കരുത്തിലാണ് റോയല് ചലഞ്ചേഴ്സ് ഫൈനലിലേക്കുള്ള എന്ട്രി നേടിയത്.
𝙏𝙝𝙖𝙩’𝙨 𝙝𝙤𝙬 𝙮𝙤𝙪 𝙨𝙚𝙖𝙡 𝙖 𝙥𝙡𝙖𝙘𝙚 𝙞𝙣 𝙩𝙝𝙚 𝙛𝙞𝙣𝙖𝙡𝙨 ❤
🎥 Captain Rajat Patidar fittingly finishes off in style as #RCB are just one step away from the 🏆
മത്സരത്തില് ആദ്യം ബാറ്റ് ചെയ്ത പഞ്ചാബിനെ ബെംഗളൂരു ബൗളര്മാര് വരിഞ്ഞു മുറുക്കുകയായിരുന്നു. കിങ്സിന്റെ ബാറ്റര്മാരെ വെള്ളം കുടിപ്പിക്കുന്നതില് യുവതാരം സുയാഷ് ശര്മയായിരുന്നു പ്രധാനി. മൂന്ന് ഓവര് എറിഞ്ഞ് താരം മൂന്ന് വിക്കറ്റുകളാണ് നേടിയത്.
മാര്ക്കസ് സ്റ്റോയിനിസ്, ശശാങ്ക് സിങ്, മുഷീര് ഖാന് എന്നിവരുടെ വിക്കറ്റുകളാണ് സുയാഷ് വീഴ്ത്തിയത്. 17 റണ്സ് മാത്രം വിട്ടു നല്കി 5.67 എക്കണോമി റേറ്റിലാണ് യുവ സ്പിന്നര് പഞ്ചാബിനെതിരെ ബൗള് ചെയ്തിരുന്നത്. ഇതോടെ മത്സരത്തിലെ താരമാകാനും സുയാഷിന് സാധിച്ചിരുന്നു.
ബെംഗളൂരുവിനായുള്ള മത്സരത്തിലെ സൂപ്പര് പ്രകടനത്തോടെ ഒരു തകര്പ്പന് നേട്ടവും താരത്തിന് സ്വന്തമാക്കാനായി. ഐ.പി.എല് ചരിത്രത്തില് പ്ലേ ഓഫില് റോയല് ചലഞ്ചേഴ്സ് ബെംഗളൂരുവിനായി ഏറ്റവും മികച്ച മൂന്നാമത്തെ പ്രകടനം നടത്തുന്ന താരമാകാന് സ്പിന്നര്ക്ക് സാധിച്ചത്.
റെക്കോഡ് നേട്ടത്തിനൊപ്പം സ്വന്തം നേട്ടം തിരുത്താനും സുയാഷിന് സാധിച്ചു. ഐ.പി.എല്ലിലെ തന്റെ ഏറ്റവും മികച്ച പ്രകടനം നടത്താനാണ് പഞ്ചാബിനെതിരായ മത്സരത്തിലെ പ്രകടനത്തോടെ ബെംഗളൂരു സ്പിന്നര്ക്കായത്.
Content Highlight: IPL 2025: RCB vs PBKS: Suyash Sharma registered third best bowling figure for Royal Challengers Bengaluru in IPL playoffs
