അങ്ങനെയങ്കില് ബെംഗളൂരുവിനൊപ്പം ഞാനുമുണ്ടാവും; വമ്പന് പ്രഖ്യാപനവുമായി ഡി വില്ലിയേഴ്സ്
സ്പോര്ട്സ് ഡെസ്ക്
Sunday, 18th May 2025, 8:11 am
ഐ.പി.എല്ലില് കഴിഞ്ഞ ദിവസം നടക്കേണ്ടിയിരുന്ന റോയല് ചലഞ്ചേഴ്സ് ബെംഗളൂരുവും കൊല്ക്കത്ത നൈറ്റ് റൈഡേഴ്സും തമ്മിലുള്ള മത്സരം മഴ മൂലം ഉപേക്ഷിച്ചിരുന്നു. മഴ കാരണം മത്സരം നടക്കാതെ വന്നതോടെ ഇരു ടീമുകളും ഓരോ പോയിന്റ് വീതം പങ്കിട്ടു.
ഇതോടെ ടൂര്ണമെന്റിന്റെ 18ാം സീസണില് നിന്ന് ഡിഫന്റിങ് ചാമ്പ്യന്മാരായ കൊല്ക്കത്ത നൈറ്റ് റൈഡേഴ്സ് പുറത്തായിരിക്കുകയാണ്. അതേസമയം റോയല് ചലഞ്ചേഴ്സ് ബെംഗളൂരു പോയിന്റ് ടേബിളിലെ ഒന്നാം സ്ഥാനക്കാരാവുകയും ചെയ്തു.
ഇപ്പോള് ബെംഗളൂരു ടീം ഫൈനലിലെത്തിയാല് താനും ടീമിന്റെ മത്സരം കാണാന് സ്റ്റേഡിയത്തില് എത്തുമെന്ന് പറയുകയാണ് മുന് ബെംഗളൂരു സൂപ്പര് താരവും സൗത്ത് ആഫ്രിക്കന് ഇതിഹാസവുമായ എ.ബി. ഡി വില്ലിയേഴ്സ്. വിരാട് കോഹ്ലിക്കൊപ്പം ആ ട്രോഫി ഉയര്ത്തുന്നതിനേക്കാള് സന്തോഷം മറ്റൊന്നിനുമില്ലെന്ന് അദ്ദേഹം കൂട്ടിച്ചേര്ത്തു.
