ഇടഞ്ഞകൊമ്പനെ തളച്ചുകെട്ടി ഹൈദരാബാദ്; കന്നിക്കിരീടം നേടി ഹൈദരാബാദ്

ആദ്യ കിരീടം സ്വപ്‌നം കണ്ടിറങ്ങിയ കൊമ്പന്‍മാരെ തളച്ച് ഹൈദരാബാദ് എഫ്.സി. തങ്ങളുടെ ആദ്യ ഫൈനലില്‍ തന്നെ കന്നിക്കിരീടം സ്വന്തമാക്കിയാണ് ഹൈദരാബാദ് ഐ.എസ്.എല്ലിന്റെ നെറുകയിലെത്തിയത്.

മൂന്നാം ഫൈനലില്‍ തങ്ങളുടെ ആദ്യ കിരീടം കിരീടം നേടാനുറച്ച് കളത്തിലിറങ്ങിയ ബ്ലാസ്റ്റേഴ്‌സിനെ തളച്ചാണ് ഹൈദരാബാദ് തങ്ങളുടെ ആദ്യ കിരീടം സ്വന്തമാക്കിയത്.

കടം വിട്ടാനും കപ്പടിക്കാനും ഈ സീസണിലും കഴിയാത്തതിന്റെ നിരാശയിലാണ് ബ്ലാസ്റ്റേഴ്‌സ് സീസണിനോട് വിട പറയുന്നത്. രണ്ട് തവണയും കപ്പിനും ചുണ്ടിനും ഇടയില്‍ നഷ്ടപ്പെട്ട കിരീടം മൂന്നാം തവണയും കൈയെത്തും ദൂരത്ത് നിന്നായിരുന്നു ബ്ലാസ്റ്റേഴ്‌സിന് നഷ്ടമായത്.

ആദ്യ കിരീടം നേടാനുറച്ച് കളത്തിലിറങ്ങിയ ബ്ലാസ്‌റ്റേഴ്‌സിനെ തകര്‍ത്താണ് ഹൈദരാബാദ് കപ്പടിച്ചിരിക്കുന്നത്. നിശ്ചിത സമയത്തില്‍ 1-1 എന്ന നിലയില്‍ ഇരുവരും സമനിലയില്‍ പിരിഞ്ഞിരുന്നു.

4-4-2 എന്ന ഫോര്‍മേഷനിലായിരുന്നു കോച്ച് ഇവാന്‍ വുകോമനോവിച്ച് ടീമിനെ വിന്യസിച്ചത്. തുടക്കത്തില്‍ തന്നെ ആക്രമിച്ചു കളിക്കുന്ന ശൈലിയായിരുന്നു ബ്ലാസ്‌റ്റേഴ്‌സ് പുറത്തെടുത്തത്.

നിരവധി തവണ ഗോള്‍മുഖത്തിലേക്ക് ആക്രണമഴിച്ചുവിട്ട് ഹൈദരാബാദ് ഗോള്‍കീപ്പര്‍ കട്ടിമണിയെ പ്രതിരോധത്തിലാഴ്ത്തിയിരുന്നു. ടൂര്‍ണമെന്റില്‍ ഏറ്റവും കൂടതല്‍ സേവുകള്‍ നടത്തിയ കട്ടിമണിയെ നിരന്തരമായി പരീക്ഷിക്കുന്ന പ്രകടനമായിരുന്നു കേരളം നടത്തിയത്. എങ്കിലും ഷൂട്ടൗട്ടില്‍ കട്ടിമണിയെ തളയ്ക്കാന്‍ പറ്റാതെ പോയതോടെയാണ് ബ്ലാസ്‌റ്റേഴ്‌സ് തോല്‍വിയറിഞ്ഞത്.

Content Highlight: Hyderabad FC  wins Hero ISL by defeating Kerala Blasters