നിങ്ങളെ വിളിക്കുന്ന അപരിചിത നമ്പറുകളുടെ വിശദാംശങ്ങള് ലഭ്യമാക്കുന്ന ആപ്പാണ് ട്രൂകോളര്. എല്ലാ ഉപഭോക്താക്കളുടെയും അഡ്രസ് ബുക്സില് നിന്നും ഇത് വിശദാംശങ്ങള് ശേഖരിച്ചു വെയ്ക്കും. അതുകൊണ്ടുതന്നെ നിങ്ങള് ഈ സേവനം ഉപയോഗിച്ചിട്ടില്ലെങ്കിലും നിങ്ങളുടെ പേരും നമ്പറും ട്രൂകോളര് വിവരശേഖരത്തില് ഉണ്ടായേക്കാം. നിങ്ങളുടെ കോണ്ടാക്ട് വിശദാംശങ്ങള് സേവ് ചെയ്ത വെച്ചവര് ഈ ആപ്പ് ഉപയോഗിക്കുന്നവരായുണ്ടാവും. അവരില് നിന്നാണ് ട്രൂകോളര് നിങ്ങളുടെ വിശദാംശങ്ങള് ശേഖരിച്ചുവെക്കുന്നത്.
പക്ഷെ എല്ലാവര്ക്കും ഇത് അറിയില്ല. ലാന്റ്ഫോണിന്റെ വിലാസം വരെ ട്രൂകോളര് ലിസ്റ്റിലുണ്ടാവും. പൊതുവിവര ഉറവിടങ്ങളില് നിന്നു തന്നെയാണ് ട്രൂകോളറും വിവരങ്ങള് ശേഖരിക്കുന്നത്. നിങ്ങളുടെ ലാന്റ് നമ്പര് ആര്ക്കെങ്കിലും അറിയാമെങ്കില് ഫോണ്ബുക്ക് വഴിയോ ഗൂഗിളില് സെര്ച്ചു ചെയ്യുകവഴിയോ അവര്ക്ക് ലാന്റ് നമ്പറിന്റെ വിലാസം കണ്ടെത്താം.
ഇക്കാരണം കൊണ്ടുതന്നെ നിങ്ങളുടെ നമ്പര് ട്രൂകോളര് ഡാറ്റാബേസില് ഉള്പ്പെടാതിരിക്കാന് ആഗ്രഹിക്കുന്നവര് അല്പം ശ്രദ്ധിക്കണം. ആ ആപ്പ് ഉപയോഗിക്കുന്നുണ്ടെങ്കിലും നിങ്ങള്ക്ക് നിങ്ങളുടെ നമ്പര് ഇതില് നിന്നും നീക്കാനാവില്ല. നിങ്ങളുടെ നമ്പര് ട്രൂകോളറില് നിന്നും നീക്കാന് നിങ്ങള് ആദ്യം നിങ്ങളുടെ അക്കൗണ്ട് ഡീ ആക്ടിവേറ്റ് ചെയ്യണം. ഐഫോണ്, ആന്ഡ്രോയ്ഡ്, വിന്ഡോസ് മൊബൈല് എന്നിവയാണ് നിങ്ങള് ഉപയോഗിക്കുന്നതെങ്കില് ട്രൂകോളര് അക്കൗണ്ട് ഇങ്ങനെ ഡിലീറ്റ് ചെയ്യാം.
ട്രൂകോളര് അക്കൗണ്ട് ഡീആക്ടിവേറ്റേ ചെയ്യേണ്ട വിധം:
ആന്ഡ്രോയ്ഡ്:
ആപ്പ് ഓപ്പണ് ചെയ്യുക > മുകളില് ഇടതുവശത്തുള്ള പീപ്പില് ഐക്കണ് എടുക്കുക> സെറ്റിങ്സ്> എബൗട്ട്> ഡീആക്ടിവേറ്റ് അക്കൗണ്ട്
ഐഫോണ്:
ആപ്പ് ഓപ്പണ് ചെയ്യുക> മുകളില് വലതുവശത്തുള്ള ഗിയര് ഐക്കണ് എടുക്കുക> എബൗട്ട് ട്രൂകോളര്> താഴേക്ക് സ്ക്രോള് ചെയ്യുക> ഡീആക്ടിവേറ്റ് ട്രൂകോളര്
വിന്ഡോസ് മൊബൈല്:
ആപ്പ് ഒാപ്പണ് ചെയ്യുക> താഴെ വലതുവശത്തുള്ള മൂന്ന് ഡോട്ട് എടുക്കുക> സെറ്റിങ്സ്> ഹെല്പ്പ്> അക്കൗണ്ട് ഡീആക്ടിവേറ്റ് ചെയ്യുക
നിങ്ങള് ട്രൂകോളര് അക്കൗണ്ട് ഡീആക്ടിവേറ്റ് ചെയ്താല് നിങ്ങളുടെ നമ്പര് അതില് നിന്നും റിമൂവ് ചെയ്യാം.
നമ്പര് റിമൂവ് ചെയ്യേണ്ടവിധം
ട്രൂകോളര് അണ്ലിസ്റ്റ് പേജില് പോകുക
രാജ്യത്തിന്റെ കോഡ് ഉള്പ്പെടെ നിങ്ങളുടെ ഫോണ് നമ്പര് എന്റര് ചെയ്യുക
അണ്ലിസ്റ്റ് ചെയ്യാനുള്ള ഏതെങ്കിലുമൊരു കാരണം ലിസ്റ്റ് ചെയ്യുക
വെരിഫൈ ചെയ്യുക
അണ്ലിസ്റ്റ് ക്ലിക്ക് ചെയ്യുക
അണ്ലിസ്റ്റ് അപേക്ഷ കിട്ടി 24 മണിക്കൂറിനുള്ളില് നമ്പര് റിമൂവ് ചെയ്യുമെന്നാണ് ട്രൂകോളര് അവകാശപ്പെടുന്നത്.
റിമൂവ് ചെയ്തതുകൊണ്ട് പിന്നീട് നിങ്ങളുടെ നമ്പര് ഇതില് വന്നുകൂട എന്ന് അര്ത്ഥമില്ല. അതിനാല് ഇടയ്ക്കിടെ നിങ്ങളുടെ നമ്പര് ട്രൂകോളറില് ഉണ്ടോയെന്ന് ചെക്കു ചെയ്യുക.