കണ്ണൂര്: സംസ്ഥാനത്ത് മഴ കനക്കുന്ന സാഹചര്യത്തില് കാസര്ഗോഡ്, കണ്ണൂര്, വയനാട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ (18-07-2025) അവധി പ്രഖ്യാപിച്ചു. റെഡ് അലര്ട്ടാണ് മൂന്ന് ജില്ലകളിലുമുള്ളത്. കനത്ത മഴയുടെ സാഹചര്യത്തില് ഈ മൂന്ന് ജില്ലകളിലെയും വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിരുന്നു.
കാസര്ഗോഡ് ജില്ലയില് റെഡ് അലര്ട്ട് പ്രഖ്യാപിച്ചതിനാല് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് അവധി പ്രഖ്യാപിച്ചു. ജില്ലയിലെ സ്കൂളുകള്, കോളേജുകള്, പ്രഫഷണല് കോളേജുകള്, മദ്രസകള്, ട്യൂഷന് സെന്ററുകള്, കേന്ദ്രീയ വിദ്യാലയങ്ങള്, അങ്കണവാടികള്, സ്പെഷ്യല് ക്ലാസുകള് എന്നിവക്ക് അവധി ബാധകമാണ്. മുമ്പ് പ്രഖ്യാപിച്ച പ്രഫഷണല്, സര്വകലാശാല, മറ്റ് വകുപ്പ് പരീക്ഷകള് ഉള്പ്പെടെയുള്ള പരീക്ഷകള്ക്ക് മാറ്റമില്ല.
കണ്ണൂര് ജില്ലയിലും റെഡ് അലര്ട്ട് പ്രഖ്യാപിച്ച പശ്ചാത്തലത്തില് ജില്ലയിലെ സ്കൂളുകള്, അങ്കണവാടികള്, ട്യൂഷന് സെന്ററുകള്, മതപഠന സ്ഥാപനങ്ങള്, എന്നിവക്ക് ജില്ലാ കലക്ടര് അവധി പ്രഖ്യാപിച്ചു.
വെള്ളിയാഴ്ച വയനാട് ജില്ലയിലും റെഡ് അലര്ട്ട് പ്രഖ്യാപിച്ച സാഹചര്യത്തില് റസിഡന്ഷ്യല് വിദ്യാഭ്യാസ സ്ഥാപനങ്ങളൊഴികെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും കലക്ടര് അവധി പ്രഖ്യാപിച്ചു. പ്രൊഫഷണല് കോളേജുകള്, ട്യൂഷന് സെന്ററുകള്, അങ്കണവാടികള്, മതപഠന സ്ഥാനങ്ങള് എന്നിവക്ക് അവധി ബാധകമാണ്. എന്നാല് മുന്കൂട്ടി നിശ്ചയിച്ച പരീക്ഷകള്ക്ക് മാറ്റമില്ലെന്നും അറിയിച്ചിട്ടുണ്ട്.
Content Highlight: Holiday declared for educational institutions in Three Districts due to heavy rain
