തിരുവനന്തപുരം: കാര്‍ഷിക സര്‍വകലാശാല വൈസ് ചാന്‍സലര്‍ നിയമനത്തില്‍ സര്‍ക്കാര്‍ പാനല്‍ വെട്ടി ഗവര്‍ണറുടെ നിയമനം. ബി അശോകിനെ മാറ്റിയ ഒഴിവിലേക്ക് ചട്ടം പാലിക്കാതെ ഡോ. ടി. സജിതാ റാണിയെ നിയമിച്ചു.

സജിതാ റാണിക്ക് താത്കാലിക ചുമതലയാണ് നല്‍കിയിരിക്കുന്നത്. ബി.ജെ.പിയുടെ സര്‍വീസ് സംഘടനയായ അധ്യാപക പരിഷത്ത് നേതാവാണ് സജിതാ റാണി.

കാസര്‍കോട് പടന്നക്കാട് കാര്‍ഷിക കോളേജിലെ ഡീനാണ് ടി. സജിതാ റാണി. ബി. അശോക് കാര്‍ഷിക വകുപ്പില്‍ നിന്ന് മാറിയ പശ്ചാത്തലത്തിലാണ് സജിത റായിക്ക് പകരം ചുമതല നല്‍കിയത്.

വി.സി സ്ഥാനത്തേക്ക് കൃഷിവകുപ്പ് മൂന്നുപേരുടെ പാനല്‍ നല്‍കിയിരുന്നു. ഈ മൂന്നംഗ പാനലിനെ പൂര്‍ണമായും അവഗണിച്ചാണ് ഗവര്‍ണര്‍ സജിതാ റാണിയെ നിയമിച്ചത്. ലോക്ഭവന്‍ ഇതുസംബന്ധിച്ച് ഉത്തരവിറക്കുകയും ചെയ്തു.

എം.ജി സര്‍വകലാശാല വി.സി നിയമനത്തിന് പിന്നാലെയാണ് കാര്‍ഷിക സര്‍വകലാശാലയിലും ബി.ജെ.പി ബന്ധമുള്ള നേതാവിനെ ഗവര്‍ണര്‍ നിയമിക്കുന്നത് എന്നത് ശ്രദ്ധേയമാണ്.

Also Read

Also Read

ബ്രസീല്‍, ഫ്രാന്‍സ്, സ്പെയ്ന്‍… വമ്പന്മാര്‍ക്കൊപ്പം തലയുയര്‍ത്തി കേപ് വെര്‍ദെ

ഗവര്‍ണറുടെ നടപടി അധികാര ദുര്‍വിനിയോഗമാണെന്ന് ആരോപിച്ച് എസ്.എഫ്.ഐ രംഗത്തെത്തി. സര്‍വകലാശാലകളെ കാവിവത്കരിക്കാനുള്ള നീക്കമാണിതെന്നും, ഗവര്‍ണറുടെ നടപടിയോട് കൃഷിമന്ത്രി നിലപാട് വ്യക്തമാക്കണമെന്നും എസ്.എഫ്.ഐ ആവശ്യപ്പെട്ടു.

Content highlight: Governor cuts out names given by government and appoints BJP organization leader as VC of Agricultural University