![?php echo $post['title']; ?>](https://assets.doolnews.com/w/900x473/2024/06/italy-1.gif)
റോം: ഇറ്റാലിയന് പാര്ലമെന്റില് പ്രതിപക്ഷ നേതാക്കളും ഭരണകക്ഷികളും തമ്മില് കൂട്ടയടി. പ്രദേശങ്ങള്ക്ക് കൂടുതല് സ്വയഭരണാവകാശം നല്കുന്ന ബില്ലിനെതിരെയാണ് പ്രതിപക്ഷം പാര്ലമെന്റില് പ്രതിഷേധിച്ചത്.
പിന്നാലെ ഭരണകക്ഷികളുമായി പ്രതിപക്ഷം കൈയ്യാകളിയിലേക്ക് എത്തുകയായിരുന്നു. ഇതുസംബന്ധിച്ച വീഡിയോ ദൃശ്യങ്ങള് സമൂഹ മാധ്യമങ്ങളില് പ്രചരിച്ചതോടെ വ്യാപക വിമര്ശനങ്ങളാണ് ഇറ്റാലിയന് എം.പിമാര്ക്കെതിരെ ഉയരുന്നത്.
കൂട്ടയാടിയില് പ്രതിപക്ഷ നേതാക്കളില് ഒരാള്ക്ക് സാരമായി പരിക്ക് പറ്റിയിട്ടുണ്ടെന്നാണ് റിപ്പോര്ട്ട്. ഇറ്റലിയുടെ പ്രാദേശിക കാര്യ മന്ത്രി റോബര്ട്ടോ കാല്ഡെറോളിയുടെ കഴുത്തില് പ്രതിപക്ഷ അംഗമായ ലിയോനാര്ഡോ ഡോണോ ഇറ്റാലിയന് പതാക കെട്ടാന് ശ്രമിച്ചതോടെയാണ് സഭയില് ബഹളം തുടങ്ങിയത്.
