![?php echo $post['title']; ?>](https://assets.doolnews.com/w/900x473/2022/10/monster-8.jpg)
മോഹന്ലാലിനെ നായകനാക്കി വൈശാഖ് സംവിധാനം ചെയ്ത മോണ്സ്റ്റര് കഴിഞ്ഞ ഒക്ടോബര് 21നാണ് റിലീസ് ചെയ്തത്. ലക്കി സിങ് എന്ന കഥാപാത്രമായിട്ടാണ് മോഹന്ലാല് ചിത്രത്തില് എത്തിയത്.
റിലീസിന് തൊട്ടുമുമ്പ് പുറത്ത് വന്ന ഗൂം ഗൂം എന്ന പാട്ട് ശ്രദ്ധ നേടിയിരുന്നു. മോഹന്ലാല് തകര്ത്താടിയ ഈ പാട്ടിന്റെ ലൊക്കേഷന് വീഡിയോ പുറത്ത് വന്നിരിക്കുകയാണ്. സെറ്റില് മോഹന്ലാലിനൊപ്പം സംവിധായകന് വൈശാഖ്, ഹണി റോസ്, സുദേവ് നായര് ഉള്പ്പെടെയുള്ളവര് ഡാന്സ് കളിക്കുന്നതാണ് വീഡിയോയില് കാണുന്നത്. കൊറിയോഗ്രാഫര് പ്രസന്ന മാസ്റ്ററാണ് വീഡിയോ സോഷ്യല് മീഡിയയില് പോസ്റ്റ് ചെയ്തത്.
ഉദയ് കൃഷ്ണ തിരക്കഥയെഴുതിയ ചിത്രം ഭാമിനി എന്ന യുവതിയുടെ ജീവിതത്തിലൂടെയാണ് കടന്നുപോകുന്നത്. ലക്കി സിങ് എന്നൊരു അപരിചിതന് എത്തുന്നതോടെ ഭാമിനിയുടെ ജീവിതത്തില് അപ്രതീക്ഷിതമായി ഉണ്ടാവുന്ന സംഭവവികാസങ്ങളാണ് ചിത്രം പറയുന്നത്.
