ഐ.പി.എല്ലില് കഴിഞ്ഞദിവസം നടന്ന ആവേശകരമായ മത്സരത്തില് സണ്റൈസേഴ്സ് ഹൈദരാബാദിന് തകര്പ്പന് വിജയം. സീസണിലെ ഓറഞ്ച് ആര്മിയുടെ ആദ്യ വിജയമായിരുന്നു ഇത്. മുംബൈ ഇന്ത്യന്സിനെ 31 റണ്സിനാണ് ഹൈദരാബാദ് പരാജയപ്പെടുത്തിയത്.
ഹൈദരാബാദിന്റെ ബാറ്റിങ്ങില് ട്രാവിസ് ഹെഡ്, അഭിഷേക് ശര്മ, ട്രാവിസ് ഹെഡ് എന്നിവരുടെ മികച്ച ഇന്നിങ്സാണ് ഓറഞ്ച് ആര്മിക്ക് കരുത്തായത്. 24 പന്തില് 62 റണ്സ് നേടി കൊണ്ടായിരുന്നു ഹെഡിന്റെ വെടിക്കെട്ട് ഇന്നിങ്സ്. 258.33 സ്ട്രൈക്ക് റൈറ്റില് ഒമ്പത് ഫോറുകളും മൂന്ന് സിക്സുകളുമാണ് ഹെഡ് നേടിയത്.
#PlayWithFire personified 🥵
A batting blitzkrieg from Travis to bring up his 5️⃣0️⃣ 👉 𝐅𝐀𝐒𝐓𝐄𝐒𝐓 𝐄𝐕𝐄𝐑 𝐅𝐎𝐑 𝐒𝐑𝐇 🤩🔥#SRHvMI pic.twitter.com/3TlgP9LhwT
— SunRisers Hyderabad (@SunRisers) March 27, 2024
അഭിഷേക് ശര്മ 23 പന്തില് 63 റണ്സും നേടി നിര്ണായകമായി. മൂന്ന് ഫോറുകളും ഏഴ് സിക്സുകളുമാണ് അഭിഷേക് നേടിയത്. 273.91 പ്രഹര ശേഷിയിലായിരുന്നു താരം ബാറ്റ് വീശിയത്.
𝗥𝗘𝗖𝗢𝗥𝗗 𝗦𝗘𝗧 𝗔𝗡𝗗 𝗦𝗘𝗧 𝗔𝗚𝗔𝗜𝗡! 𝗧𝗛𝗘 🆕 𝗙𝗔𝗦𝗧𝗘𝗦𝗧 5️⃣0️⃣ 𝗜𝗡 𝗦𝗥𝗛 𝗛𝗜𝗦𝗧𝗢𝗥𝗬! 🔥🤯#PlayWithFire #SRHvMI pic.twitter.com/cOPxQWf4FM
— SunRisers Hyderabad (@SunRisers) March 27, 2024
ഇവര്ക്ക് പുറമെ സൗത്ത് ആഫ്രിക്കന് സൂപ്പര് താരം ഹെന്റിച്ച് ക്ലാസന് 34 പന്തില് പുറത്താവാതെ 80 റണ്സ് നേടി കരുത്ത്കാട്ടി. നാലു ഫോറുകളും ഏഴ് സിക്സുകളുമാണ് ക്ലാസന് നേടിയത്. 235.29 റൈറ്റില് ആയിരുന്നു താരം ബാറ്റ് ചെയ്തത്.
3rd 🔥 5️⃣0️⃣ for the night and it’s from our Protea Powerhouse 😍💥#PlayWithFire #SRHvMI pic.twitter.com/u77K6g0W7K
— SunRisers Hyderabad (@SunRisers) March 27, 2024
ഈ മൂന്ന് താരങ്ങളുടെയും തകര്പ്പന് പ്രകടനത്തിന് പിന്നാലെ ഒരു ചരിത്രനേട്ടമാണ് ഹൈദരാബാദ് താരങ്ങളെ തേടിയെത്തിയത്. ടി-20 ചരിത്രത്തില് ആദ്യമായാണ് ഒരു മത്സരത്തില് ഒരു ടീമിലെ മൂന്ന് താരങ്ങളും 25 പന്തിനുള്ളില് അര്ധസെഞ്ച്വറി നേടുന്നത്.
മത്സരത്തില് അഭിഷേക് ശര്മ, ട്രാവിസ് ഹെഡ്, ഹെന്റിച്ച് ക്ലാസന് എന്നിവരാണ് 25 പന്തിനുള്ളില് അര്ധസെഞ്ച്വറി നേടി ചരിത്രത്തിലേക്ക് നടന്നു കയറിയത്. അഭിഷേക് ശര്മ 16 പന്തില് അര്ധസെഞ്ച്വറി നേടിയപ്പോള് ട്രാവിസ് ഹെഡ് 18 പന്തിലും ഫിഫ്റ്റി നേടി. വെറും 23 പന്തില് നിന്നായിരുന്നു ക്ലാസന്റെ അര്ധസെഞ്ച്വറി പിറന്നത്.
മറുപടി ബാറ്റിങ്ങിനിറങ്ങിയ മുംബൈക്ക് 20 ഓവറില് അഞ്ച് വിക്കറ്റ് നഷ്ടത്തില് 246 റണ്സ് നേടാനാണ് സാധിച്ചത്. മുംബൈ നിരയില് 34 പന്തില് 64 റണ്സ് നേടി തിലക് വര്മ തകര്പ്പന് പ്രകടനം നടത്തി. രണ്ട് ഫോറുകളും ആറ് സിക്സുകളുമാണ് തിലക് നേടിയത്.
Despite the heat & stress of a tough challenge, these three delivered #3Xprotection just like #CastrolActiv on the field. 👏
Pick your Castrol Performance of the Day now 👉 https://t.co/ZCUPCHUCEF#MumbaiMeriJaan #MumbaiIndians #SRHvMI | @bp_plc @CastrolActivIN pic.twitter.com/EfPZ8zQe7M
— Mumbai Indians (@mipaltan) March 27, 2024
22 പന്തില് 42 റണ്സ് നേടി ടിം ഡേവിഡും 13 പന്തില് 34 റണ്സ് നേടി ഇഷാന് കിഷനും മിന്നും പ്രകടനം നടത്തിയെങ്കിലും മുംബൈക്ക് 31 റണ്സ് അകലെ വിജയം നഷ്ടമാവുകയായിരുന്നു.
മാര്ച്ച് 31ന് ഗുജറാത്ത് ടൈറ്റന്സിനെതിരെയാണ് ഹൈദരാബാദിന്റെ അടുത്ത മത്സരം. അഹമ്മദാബാദിലാണ് മത്സരം നടക്കുക. മറുഭാഗത്ത് ഏപ്രില് ഒന്നിന് രാജസ്ഥാന് റോയല്സിനെതിരെയാണ് മുംബൈ ഇന്ത്യന്സിന്റെ അടുത്ത മത്സരം. മുംബൈയുടെ തട്ടകമായ വാങ്കഡെ സ്റ്റേഡിയമാണ് വേദി.
Content Highlight: Abhishek Sharma, Travis Head, Heinrich Klaasen create a new history T20
