ഇംഗ്ലണ്ടിന്റെ ഇന്ത്യന് പര്യടനത്തിന് കളമൊരുങ്ങുകയാണ്. അഞ്ച് മത്സരങ്ങളുടെ ടി-20 പരമ്പരയും മൂന്ന് മത്സരങ്ങളുടെ ഏകദിന പരമ്പരയുമാണ് ഇംഗ്ലണ്ട് ഇന്ത്യയിലെത്തി കളിക്കുക.
പോരാട്ടം ഇന്ത്യയും ഇംഗ്ലണ്ടും തമ്മിലാണെങ്കിലും ഇന്ത്യന് ക്യാപ്റ്റന് സൂര്യകുമാര് യാദവും ഇംഗ്ലണ്ട് നായകന് ജോസ് ബട്ലറും തമ്മില് മറ്റൊരു ചരിത്ര നേട്ടത്തിനായി പരസ്പരം മത്സരിക്കുന്നുണ്ട്. അന്താരാഷ്ട്ര ടി-20 ക്രിക്കറ്റിന്റെ ചരിത്രത്തില് ഇതുവരെ മൂന്ന് താരങ്ങള്ക്ക് മാത്രം സ്വന്തമാക്കാന് സാധിച്ച നേട്ടത്തിലേക്കാണ് ഇരു ക്യാപ്റ്റന്മാരും ഒന്നുപോലെ ലക്ഷ്യമിടുന്നത്.
അന്താരാഷ്ട്ര ടി-20യില് 150 സിക്സര് നേടുന്ന താരങ്ങളുടെ പട്ടികയിലേക്കാണ് ഇരുവരും കണ്ണുവെക്കുന്നത്.
74 ഇന്നിങ്സില് നിന്നും 145 സിക്സറുകളാണ് ഇന്ത്യന് നായകന് തന്റെ അന്താരാഷ്ട്ര ടി-20 കരിയറില് നേടിയത്. ജോസ് ബട്ലറിനെ സംബന്ധിച്ച് ഈ നേട്ടം കുറച്ചുകൂടിയെളുപ്പമാണ്, കാരണം 146 സിക്സറുകള് ഇതിനോടകം സ്വന്തമാക്കിയ ബട്ലറിന് നാല് സിക്സര് കൂടിയടിച്ചാല് ഈ എലീറ്റ് ലിസ്റ്റിലെത്താം. എന്നാല് സൂര്യകുമാറിനാകട്ടെ അഞ്ച് സിക്സറുകള് നേടണം.
ഇരു താരങ്ങള്ക്കും മുമ്പിലായി നിക്കോളാസ് പൂരനും സ്ഥാനം പിടിച്ചിട്ടുണ്ട്. 149 സിക്സറുകളാണ് താരത്തിന്റെ പേരിലുള്ളത്. എന്നാല് വെസ്റ്റ് ഇന്ഡീസിന് നിലവില് ടി-20 മത്സരങ്ങളില്ലാത്തതിനാല് ബട്ലറോ സൂര്യയോ തന്നെയാകും ആദ്യം ഈ നേട്ടത്തിലെത്താന് സാധ്യത.
അന്താരാഷ്ട്ര ടി-20യില് ഏറ്റവുമധികം സിക്സറുകള് നേടിയ താരങ്ങള്
(താരം – ടീം – ഇന്നിങ്സ് – സിക്സര് എന്നീ ക്രമത്തില്)
രോഹിത് ശര്മ – ഇന്ത്യ – 151 – 205
മാര്ട്ടിന് ഗപ്ടില് – ന്യൂസിലാന്ഡ് – 118 – 173
മുഹമ്മദ് വസീം – യു.എ.ഇ – 69 – 158
നിക്കോളാസ് പൂരന് – വെസ്റ്റ് ഇന്ഡീസ് – 97 – 149
ജോസ് ബട്ലര് – ഇംഗ്ലണ്ട് – 118 – 146
സൂര്യകുമാര് യാദവ് – ഇന്ത്യ – 74 – 145
ഗ്ലെന് മാക്സ്വെല് – ഓസ്ട്രേലിയ – 106 – 137
ഡേവിഡ് മില്ലര് – സൗത്ത് ആഫ്രിക്ക – 114 – 130
പോള് സ്റ്റെര്ലിങ് – അയര്ലാന്ഡ് – 146 – 129
ജനുവരി 22നാണ് ഇന്ത്യ – ഇംഗ്ലണ്ട് പരമ്പരയിലെ ആദ്യ മത്സരം. കൊല്ക്കത്തയിലെ ഈഡന് ഗാര്ഡന്സില് നടക്കുന്ന പരമ്പരയിലെ ഒന്നാം മത്സരത്തില് തന്നെ ഇരു താരങ്ങള്ക്കും ഈ നേട്ടത്തിലെത്താന് സാധിക്കുമോ എന്നാണ് ആരാധകര് ഉറ്റുനോക്കുന്നത്.
