മലയാളി പ്രേക്ഷകരുടെ പ്രിയപ്പെട്ട നടിയാണ് ശോഭന. അഭിനേത്രി മാത്രമല്ല മികച്ച നർത്തകി കൂടിയാണ് ശോഭന. രണ്ട് ദേശീയ ചലച്ചിത്ര അവാർഡുകൾ ഉൾപ്പെടെ നിരവധി അവാർഡുകൾ ശോഭനക്ക് ലഭിച്ചിട്ടുണ്ട്.

മലയാളം കൂടാതെ തമിഴ്, തെലുങ്ക്, ഹിന്ദി, കന്നഡ, ഇംഗ്ലീഷ് എന്നീ ഭാഷകളിലും ശോഭന അഭിനയിച്ചിട്ടുണ്ട്. 2006ൽ ശോഭനയുടെ കലാമികവിനെ രാജ്യം പത്മശ്രീ നൽകി ആദരിച്ചു. ഈ വർഷം നടിക്ക് പത്മഭൂഷനും നൽകി ആദരിച്ചു. ഇപ്പോൾ തന്നെക്കുറിച്ച് തന്നെ സംസാരിക്കുകയാണ് ശോഭന.

താൻ ഒരിക്കലും തന്നെക്കുറിച്ച് ആഴത്തിൽ ചിന്തിച്ചിട്ടില്ലെന്നും അതിനായി സമയം കളഞ്ഞിട്ടില്ലെന്നും ശോഭന പറയുന്നു.

മാതാപിതാക്കൾ പുകഴ്ത്തി പറഞ്ഞുകേട്ട ഓർമകൾ തനിക്കില്ലെന്നും ചെറുപ്രതികരണങ്ങളായിരുന്നു അവരുടെ അഭിനന്ദനമെന്നും അവർ കൂട്ടിച്ചേർത്തു.

നർത്തകി, നടി എന്നീ ടാഗുകൾ ഭ്രമിപ്പിച്ചിട്ടില്ലെന്നും പല കലകളിൽ മുഴുകുന്നവർക്ക് അത്തരം ടാഗ് കൊടുക്കേണ്ടതില്ലെന്നാണ് തനിക്ക് തോന്നുന്നതെന്നും അവർ പറയുന്നു.

എല്ലാവരും ആർട്ടിസ്റ്റ് ആണെന്നും ആരുടെയെങ്കിലും ജീവിതത്തിൽ പ്രചോദനമാകാൻ കഴിഞ്ഞുവെന്ന നിലയിൽ ഓർമിക്കപ്പെടാനാണ് താത്പര്യമെന്നും അവർ പറഞ്ഞു.

താൻ ആരെന്ന ചോദ്യം നിലനിൽക്കുന്നുണ്ടെന്നും ‘ഹു ആം ഐ’ എന്നൊരു പുസ്തകം എഴുതുകയാണെങ്കിൽ അതിൽ ഉത്തരമുണ്ടാകുമെന്നും നടി കൂട്ടിച്ചേർത്തു. വനിതയോട് സംസാരിക്കുകയാണ് നടി.

‘ഞാൻ ഒരിക്കലും എന്നെ കുറിച്ച് ആഴത്തിൽ ചിന്തിച്ചിട്ടില്ല. അതിനായി സമയം കളഞ്ഞിട്ടുമില്ല. അച്ഛനും അമ്മയും ഒരുപാട് പുകഴ്ത്തി പറഞ്ഞുകേട്ട ഓർമകളുമില്ല. ചെറുപ്രതികരണങ്ങളായിരുന്നു അവരുടെ അഭിനന്ദനങ്ങൾ. നർത്തകി, നടി എന്നീ ടാഗുകൾ ഭ്രമിപ്പിച്ചിട്ടുമില്ല. പല കലകളിൽ മുഴുകുന്നവർക്ക് അത്തരം ടാഗ് കൊടുക്കേണ്ടതില്ല എന്നാണ് തോന്നൽ.

എല്ലാവരും ആർട്ടിസ്റ്റ് ആണ്. ആരുടെയെങ്കിലും ജീവിതത്തിൽ പ്രചോദനമാകാൻ കഴിഞ്ഞു എന്ന നിലയിൽ ഓർമിക്കപ്പെടാനാണ് ഞാൻ ഏറ്റവും ആഗ്രഹിക്കുന്നത്.

പക്ഷേ, ശരിക്കും ഞാൻ ആരെന്ന ചോദ്യം അപ്പോഴുമുണ്ട്. ഇനിയുള്ള നാളുകളിൽ ‘ഹു ആം ഐ’ എന്നൊരു പുസ്‌തകം എഴുതുമായിരിക്കും. ഒരുപക്ഷേ, അതിലുണ്ടാകും ഈ ചോദ്യത്തിനുള്ള ഉത്തരം,’ ശോഭന പറയുന്നു.

Content Highlight: Shobhana Talking about Herself