![?php echo $post['title']; ?>](https://assets.doolnews.com/w/900x473/2021/04/sashi-taroor.jpg)
ന്യൂദല്‍ഹി: മുന്‍ ലോക്‌സഭാ സ്പീക്കര്‍ സുമിത്ര മഹാജന് അന്തരിച്ചുവെന്ന വാര്‍ത്തകള്‍ക്ക് പിന്നാലെ അനുശോചന സന്ദേശം അയച്ച് കോണ്‍ഗ്രസ് നേതാവ് ശശി തരൂര്‍ എം.പി.
എന്നാല്‍ സുമിത്ര മഹാജന് യാതൊരു കുഴപ്പമില്ലെന്ന വിശദീകരണവുമായി ബി.ജെ.പി നേതൃത്വം രംഗത്തെത്തിയതോടെ തരൂര്‍ ട്വീറ്റ് പിന്‍വലിക്കുകയായിരുന്നു.
വ്യാഴാഴ്ച രാത്രിയാണ് സുമിത്ര മഹാജന് അന്തരിച്ചെന്ന് തെറ്റിദ്ധരിച്ച് തരൂര്‍ അനുശോചന സന്ദേശം ട്വിറ്ററില്‍ പോസ്റ്റ് ചെയ്തത്. മുന്‍ ലോക്‌സഭാ സ്പീക്കര്‍ സുമിത്ര മഹാജന്റെ നിര്യാണത്തില്‍ അനുശോചനം രേഖപ്പെടുത്തുന്നുവെന്നായിരുന്നു തരൂരിന്റെ ട്വീറ്റ്.
I am relieved if that is so. I received this from what I thought was a reliable source: “पूर्व लोकसभा अध्यक्ष श्रीमती सुमित्रा महाजन जी हमारे बीच नहीं रहीं.
ईश्वर दिवंगत आत्मा को अपने श्रीचरणों में स्थान दें.🙏” Happy to retract & appalled that anyone would make up such news. https://t.co/3c8pDGaBRv— Shashi Tharoor (@ShashiTharoor) April 22, 2021
ട്വീറ്റ് വ്യാപകമായി ഷെയര്‍ ചെയ്യപ്പെട്ടതോടെ വിഷയത്തില്‍ വിശദീകരണവുമായി ബി.ജെ.പി നേതൃത്വം രംഗത്തെത്തുകയായിരുന്നു. സുമിത്ര മഹാജന് പൂര്‍ണ്ണ ആരോഗ്യത്തോടെ ഇപ്പോഴും ജീവനോടെ ഉണ്ടെന്നും ട്വീറ്റ് വ്യാജമാണെന്നുമായിരുന്നു ബി.ജെ.പി നേതാക്കള്‍ പറഞ്ഞത്.
ഇത് ശ്രദ്ധയില്‍പ്പെട്ടതോടെ താന്‍ ട്വീറ്റ് പിന്‍വലിക്കുകയാണെന്ന് തരൂര്‍ പറഞ്ഞു. വിശ്വസനീയമായ വൃത്തങ്ങളില്‍ നിന്നാണ് ഈ വാര്‍ത്തയെന്നാണ് കരുതിയതെന്നും ഇത്തരം വ്യാജ വാര്‍ത്തകള്‍ക്കെതിരെ കര്‍ശന നടപടി സ്വീകരിക്കണമെന്നും തരൂര്‍ കൂട്ടിച്ചേര്‍ത്തു.
മുന്‍ ലോക്‌സഭാ സ്പീക്കറായ സുമിത്ര മഹാജന് 1989 മുതല്‍ 2019 വരെ മധ്യപ്രദേശിലെ ഇന്‍ഡോര്‍ ലോക്‌സഭാ മണ്ഡലത്തെ പ്രതിനിധീകരിച്ചാണ് പാര്‍ലമെന്റിലെത്തിയത്. 2014 മുതല്‍ 2019 വരെ ഇന്ത്യയുടെ ലോക്‌സഭാ സ്പീക്കറായും സേവനമനുഷ്ഠിച്ചിട്ടുണ്ട്.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
Content Highlights: Shashi Tharoor falls for Sumitra Mahajan death hoax
