തന്നോട് ആരും വഴങ്ങിക്കൊടുക്കലുകള്‍ ആവശ്യപ്പെട്ടിട്ടില്ല; സുഹൃത്തിന്റെ മോശം അനുഭവമാണ് ആ ചട്ടകൂട്ടില്‍ നിന്ന് പുറത്ത്‌ വരാന്‍ കാരണം: റീമാ കല്ലിങ്കല്‍
Movie Day
തന്നോട് ആരും വഴങ്ങിക്കൊടുക്കലുകള്‍ ആവശ്യപ്പെട്ടിട്ടില്ല; സുഹൃത്തിന്റെ മോശം അനുഭവമാണ് ആ ചട്ടകൂട്ടില്‍ നിന്ന് പുറത്ത്‌ വരാന്‍ കാരണം: റീമാ കല്ലിങ്കല്‍
ന്യൂസ് ഡെസ്‌ക്
Saturday, 16th February 2019, 8:36 pm

കൊച്ചി: സിനിമാ ജീവിതത്തിനിടയില്‍ മോശപ്പെട്ട അനൂഭവങ്ങള്‍ ഉണ്ടായിട്ടില്ലെന്ന് നടിയും ഡബ്ല്യു.സി.സി അംഗവുമായ റിമാ കല്ലീങ്കല്‍. തന്നോട് ആരും വഴങ്ങികൊടുക്കലുകള്‍ ആവശ്യപ്പെട്ടിട്ടില്ലെന്നും എന്നാല്‍ തന്റെ സുഹൃത്തിന് മോശപ്പെട്ട അനുഭവങ്ങള്‍ ഉണ്ടായിട്ടുണ്ടെന്നും പിന്നീടാണ് ആ ചട്ടകൂട്ടില്‍ നിന്ന് പുറത്ത് വരേണ്ടതിനെ കുറിച്ച് ആലോചിച്ചതെന്നും റിമ പറഞ്ഞു. കൊച്ചി മുസിരിസ് ബിനാലെയില്‍ സംസാരിക്കുകയായിരുന്നു റിമ.

ALSO READ: യു.പിയില്‍ ഖാലിസ്ഥാന്‍ തീവ്രവാദികള്‍ക്ക് ആയുധമെത്തിച്ച് കൊടുത്തയാളെ അറസ്റ്റ് ചെയ്തു

“എന്നോട് ആരും ഏതെങ്കിലും തരത്തിലുള്ള വഴങ്ങിക്കൊടുക്കലുകള്‍ ആവശ്യപ്പെട്ടിട്ടില്ല. പക്ഷെ എന്റെ എട്ട് വര്‍ഷത്തെ സിനിമാ ജീവിതത്തിനിടയില്‍ എന്റെ സുഹൃത്തിന് സംഭവിച്ച വളരെ നിര്‍ഭാഗ്യകരമായ ആ കാര്യം എന്നെ തകര്‍ത്തുകളഞ്ഞു. അപ്പോള്‍ എനിക്ക് മനസ്സിലായി ചട്ടക്കൂടില്‍ നിന്ന് പുറത്തുവരേണ്ടതുണ്ടെന്നും എന്താണോ യഥാര്‍ത്ഥ്യത്തില്‍ തോന്നുന്നത് അത് പറയുകയും വേണമെന്ന് ” റിമ പറഞ്ഞു.

അന്നത്തെ ആ സംഭവത്തിന്റെ ഞെട്ടല്‍ മാറാന്‍ ഏറെ ദിവസം കഴിഞ്ഞെന്നും പിന്നീടാണ് സംസാരിക്കാന്‍ സ്ഥലമുണ്ടെന്നും നിര്‍ബന്ധമായി ഉപയോഗിക്കുക തന്നെ വേണമെന്നും തിരിച്ചറിയുന്നതെന്നും റിമ പറഞ്ഞു.