![?php echo $post['title']; ?>](https://assets.doolnews.com/w/900x473/2019/08/trian-in-rain.jpg)
തിരുവനന്തപുരം: സംസ്ഥാനത്ത് വീണ്ടും റെഡ് അലേര്ട്ട്. എറണാകുളം, ആലപ്പുഴ, ഇടുക്കി ജില്ലകളിലാണ് ഇന്ന് റെഡ് അലേര്ട്ട് പുറപ്പെടുവിച്ചിട്ടുള്ളത്. കനത്ത മഴ മുതല് അതിതീവ്ര മഴവരെ പെയ്തേക്കാമെന്നാണ് മുന്നറിയിപ്പ്.
കോഴിക്കോട്, മലപ്പുറം ജില്ലകളില് നാളെ റെഡ് അലേര്ട്ട് പ്രഖ്യാപിച്ചിട്ടുണ്ട്. ആഗസ്റ്റ് 15 ഓടെ മഴയുടെ ശക്തി കുറയുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ വിലയിരുത്തല്.
ഇന്ന് കൊല്ലം, പത്തനംതിട്ട, കോട്ടയം, തൃശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര് ജില്ലകളില് ഓറഞ്ച് അലേര്ട്ട് പുറപ്പെടുവിച്ചിട്ടുണ്ട്. കാസര്കോട് യെല്ലോ അലേര്ട്ടും പുറപ്പെടുവിച്ചിട്ടുണ്ട്.
ആഗസ്റ്റ് 15ന് മലപ്പുറം, കണ്ണൂര്, കാസര്കോട് ജില്ലകളില് യെല്ലോ അലേര്ട്ട് പ്രഖ്യാപിച്ചിട്ടുണ്ട്.
