മുതലയുടെ ചിത്രം പോസ്റ്റ് ചെയ്ത് രാഹുല്‍ഗാന്ധി; മുതലക്കണ്ണീരിന് ഇതിലും വലിയ ട്രോളുണ്ടോ എന്ന് സോഷ്യല്‍മീഡിയ

ന്യൂദല്‍ഹി: വെര്‍ച്വല്‍ യോഗത്തിനിടെ പ്രധാനമന്ത്രി നരേന്ദ്ര മോദി നടത്തിയ ‘വികാരഭരിതമായ’ പ്രസംഗത്തെ പരിഹസിക്കുന്ന പ്രതീകാത്മക ചിത്രം പങ്കുവെച്ച് കോണ്‍ഗ്രസ് നേതാവ് രാഹുല്‍ ഗാന്ധി. പ്രസംഗത്തിനിടെയുള്ള മോദിയുടെ കരച്ചില്‍ മുതലക്കണ്ണീരായിരുന്നുവെന്ന് വിമര്‍ശനങ്ങള്‍ ഉയരുന്ന സാഹചര്യത്തിലാണ് രാഹുല്‍ ഗാന്ധി ഒരു മുതലയുടെ ചിത്രം തന്റെ ഇന്‍സ്റ്റഗ്രാം അക്കൗണ്ടിലൂടെ പങ്കുവെച്ചത്.

മുതലകള്‍ നിഷ്‌കളങ്കരാണ് എന്ന ക്യാപ്ഷനും ഫോട്ടോക്ക് താഴെ രാഹുല്‍ ഗാന്ധി കൊടുത്തിട്ടുണ്ട്. മെയ് 22 ബയോഡൈവേഴ്‌സിറ്റി ഡേ എന്ന ഹാഷ്ടാഗും രാഹുല്‍ ഉള്‍പ്പെടുത്തിയിട്ടുണ്ട്.