ഇന്ത്യന് ഇതിഹാസം വിരാട് കോഹ്ലിയെ പ്രശംസിച്ച് മുന് ഇന്ത്യന് താരം ആര്. അശ്വിന്. വിരാടിന് ശേഷം ഇന്ത്യന് ക്രിക്കറ്റിന്റെ മനോഭാവം മാറിയെന്നാണ് അശ്വിന് പറഞ്ഞത്. എതിരാളികളില് നിന്നും എന്ത് തരത്തിലുള്ള മോശം പെരുമാറ്റമുണ്ടായാലും ഇന്ത്യന് ടീം ശക്തമായി തിരിച്ചടിക്കണമെന്ന മനോഭാവം കൊണ്ടുവന്നത് കോഹ്ലിയാണെന്നും ഇന്ത്യന് ഇതിഹാസ സ്പിന്നര് പറഞ്ഞു. സ്റ്റാര് സ്പോര്ട്സിലൂടെ സംസാരിക്കുകയായിരുന്നു അശ്വിന്.
‘വിരാട് കോഹ്ലി വന്നതിന് ശേഷം ഇന്ത്യന് ക്രിക്കറ്റിന്റെ മനോഭാവം മാറി. ആരെങ്കിലും നമ്മളോട് മോശമായി പെരുമാറുകയോ നമ്മളെ തെറ്റിദ്ധരിപ്പിക്കുകയോ ചെയ്താല് നമ്മള് വെറുതെ ഇരിക്കില്ല. ശക്തമായി തിരിച്ചടി നല്കും. വിരാട് കോഹ്ലി ഇന്ത്യന് ക്രിക്കറ്റില് കൊണ്ടുവന്ന വലിയ മാറ്റമാണ് ഇത്,’ അശ്വിന് പറഞ്ഞു.
ടെസ്റ്റില് നിന്നും ടി-20യില് നിന്നും വിരമിക്കല് പ്രഖ്യാപിച്ച വിരാട് ഏകദിനത്തില് മാത്രമാണ് നിലവില് കളിച്ചുകൊണ്ടിരിക്കുന്നത്. 2027ല് സൗത്ത് ആഫ്രിക്കയില് വെച്ച് നടക്കുന്ന ഏകദിന ലോകകപ്പിന് മുന്നോടിയായുള്ള ഏകദിന പരമ്പരകളാണ് ഇനി കോഹ്ലിയുടെ മുന്നിലുള്ളത്.
അടുത്തിടെ അവസാനിച്ച ഇംഗ്ലണ്ടിനെതിരെയുള്ള മൂന്ന് ഏകദിന മത്സരങ്ങളുടെ പരമ്പരയില് വിരാട് മിന്നും പ്രകടനമാണ് നടത്തിയത്. ഈ പരമ്പരയില് രണ്ട് അര്ധ സെഞ്ച്വറി നേടിയും തിളങ്ങി. രണ്ടാം ഏകദിനത്തില് 65 റണ്സും അവസാന ഏകദിനത്തില് 74 റണ്സുമാണ് താരം സ്വന്തമാക്കിയത്.
അതേസമയം ഇനി ഇതിന് മുന്നോടിയായി ഇന്ത്യ ശ്രീലങ്കക്കെതിരെയുള്ള രണ്ട് ടെസ്റ്റ് മത്സരങ്ങളുടെ പരമ്പര കളിക്കും. പരമ്പരയിലെ ആദ്യ മത്സരം ഓഗസ്റ്റ് 15 മുതല് 19വരെ ഗല്ലെയിലാണ് നടക്കുന്നത്. രണ്ടാം മത്സരം ഓഗസ്റ്റ് 23 മുതല് 27 വരെ കൊളംബോയിലും നടക്കും. അഫ്ഗാനിസ്ഥാനെതിരായ ഏക ടെസ്റ്റ് മത്സരത്തിലെ വിജയത്തിന് ശേഷമാണ് ഇന്ത്യ ലങ്കന് പര്യടനത്തിന് തയ്യാറെടുക്കുന്നത്.
Content Highlight: R. Ashwin praise Indian legend Virat Kohli
