ഗുരുദ്വാരക്ക് മുന്നിലെ വിവാദ ഫോട്ടോഷൂട്ട്: സിഖ് സമുദായത്തോട് ക്ഷമ ചോദിച്ച് മോഡല്‍

ന്യൂദല്‍ഹി: കര്‍ത്താപൂര്‍ ഗുരുദ്വാര ദര്‍ബാര്‍ സാഹിബിന് മുന്നില്‍ ശിരോവസ്ത്രമണിയാതെ ഫോട്ടോഷൂട്ട് നടത്തി വിവാദത്തിലായ മോഡല്‍ ഖേദം പ്രകടിപ്പിച്ച് രംഗത്തെത്തി. പാക്കിസ്ഥാനി മോഡലായ സ്വാല ലാലയാണ് തന്റെ സോഷ്യല്‍ മീഡിയ അക്കൗണ്ടിലൂടെ മാപ്പ് പറഞ്ഞത്.

‘അടുത്തിടെ ഞാന്‍ ഇന്‍സ്റ്റഗ്രാമില്‍ ഒരു ചിത്രം പോസ്റ്റ് ചെയ്തു. അത് ഫോട്ടോഷൂട്ട് ആയിരുന്നില്ല. ചരിത്രത്തെ കുറിച്ച് പഠിക്കാനും സിഖ് സമൂഹത്തെ കുറിച്ച് അറിയാനുമാണ് ഞാന്‍ കര്‍ത്താപൂരിലേക്ക് പോയത്. ആരുടെയെങ്കിലും വികാരത്തെ വ്രണപ്പെടുത്താനായിരുന്നില്ല. എന്നിരുന്നാലും ആരെയെങ്കിലും വേദനിപ്പിച്ചിട്ടുണ്ടെങ്കില്‍ അവരോട് ക്ഷമ ചോദിക്കുന്നു. വേറെയും ആളുകള്‍ ചിത്രമെടുക്കുന്നുണ്ടായിരുന്നു, ഞാനും ധാരാളം ചിത്രങ്ങള്‍ എടുത്തു,’ അവര്‍ പറയുന്നു.

Content Highlight: pakistani-model-bareheaded-gurdwara-darbar-sahib-kartarpur-pakistan