![?php echo $post['title']; ?>](https://assets.doolnews.com/w/900x473/2017/07/kaif.jpg)
മുംബൈ: സിനിമാ താരങ്ങളെപ്പോലെ തന്നെ സോഷ്യല് മീഡിയയിലെ സദാചാര വാദികളുടേയും തീവ്രമതവാദികളുടേയും ഇരകളാകാറുണ്ട് ക്രിക്കറ്റ് താരങ്ങളും. കഴിഞ്ഞ ദിവസം പേസര് ഇര്ഫാന് പഠാനെതിരേയും മതമൗലികവാദികളും ആക്രമണമുണ്ടായിരുന്നു. ഇപ്പോഴിതാ മുന് ഇന്ത്യന് താരം മുഹമ്മദ് കൈഫിനെതിരേയും മൗതമൗലികവാദികള് രംഗത്തെത്തിയിരിക്കുകയാണ്.
തന്റെ മകനോടൊപ്പം ചെസ് കളിക്കുന്നതിന്റെ ചിത്രം കൈഫ് ഇന്സ്റ്റഗ്രാമില് പോസ്റ്റ് ചെയ്തിരുന്നു ഇതിനു പിന്നാലെയാണ് താരത്തിനെതിരെ മതമൗലികവാദികള് രംഗത്തെത്തിയത്. ചെസ് കളിക്കുന്നത് ഇസ് ലാമിന് വിരുദ്ധമാണെന്നാണ് വിമര്ശനം.
സമാനമായ രീതിയില് ഇര്ഫാന് പഠാനെതിരേയും സോഷ്യല് മീഡിയയില് ആക്രമണമുണ്ടായിരുന്നു. നെയ്ല് പോളിഷ് ഇട്ട കൈകൊണ്ട് മുഖം മറച്ചു പിടിക്കുന്ന ഭാര്യയുടെ ചിത്രം പോസ്റ്റ് ചെയ്തതിനായിരുന്നു ഇര്ഫാനെതിരെ ചിലര് രംഗത്തെത്തിയത്.
