ചുണ്ടില് പുഞ്ചിരി വിരിയുന്നത് ആര്ക്കാണിഷ്ടമല്ലാത്തത്. നല്ല പുഞ്ചിരിക്കായി ചുണ്ടിനുള്ള സ്ഥാനം വളരെ വലുതാണ്. എന്നാല് ഈ കൊടും വേനലില് പുഞ്ചിരി വരണ്ടുണങ്ങിപ്പോകുന്നത് സഹിക്കാനൊക്കുമോ?. പ്രത്യേകിച്ച് ഈ വേനല്ക്കാലത്ത് സൗന്ദര്യം ഇത്തിരി പിണങ്ങി നില്ക്കുന്ന സമയത്ത് ചുണ്ടിനെയും നമുക്ക് കുറച്ചേറെ സംരക്ഷിക്കേണ്ടി വരും.
നല്ല ചുവന്ന ചുണ്ടുകള്ക്കുള്ള സൗന്ദര്യം ഒന്നു വേറെ തന്നെയാണ്. അത് ആണുങ്ങള്ക്കായാലും പെണ്ണുങ്ങള്ക്കായാലും ശരി. തിളക്കമുള്ള ചുവന്ന ചുണ്ടുകള് സ്വന്തമാക്കാനും ഒരു ആകര്ഷകമായി നിലനിര്ത്താനും ലിപ്സ്റ്റിക്കുകളെ ആശ്രയിക്കാതെ വീട്ടില് തന്നെ ചെയ്യാവുന്ന എളുപ്പ വഴികള് ധാരാളമുണ്ട്. അവയില് ചിലതിതാ.
അടുത്ത പേജില് തുടരുന്നു
നാരങ്ങ
ചുണ്ടിലെ കറുത്ത പാടുകളും മറുകുകളും നീക്കാന് ഉത്തമ മരുന്നാണ് നാരങ്ങ. നാരങ്ങയിലെ ഘടകങ്ങള് കറുത്ത ചുണ്ടുകളെ മാറ്റി തിളക്കമുള്ളതാക്കും. ദിവസവും കിടക്കാന് പോകുന്നതിനു മുമ്പ് കുറച്ച് നാരങ്ങാനീരു ചുണ്ടില് പുരട്ടി നോക്കൂ. മാസങ്ങള്ക്കുള്ളില് മികച്ച ഫലം ലഭിക്കും. അതുമല്ലെങ്കില് ഒരു കഷ്ണം നാരങ്ങയെടുത്ത് അതിനു മുകളില് കുറച്ച് പഞ്ചസാര തൂവി ചുണ്ടില് സ്ക്രബ് ചെയ്യാം. ഇതു പെട്ടെന്നു തന്നെ ഫലം ചെയ്യും. മാത്രമല്ല സ്ക്രബ് ചെയ്യുന്നത് വഴി തൊലിയ്ക്കകത്തെ മൃതകോശങ്ങള് ഇല്ലാതാവുകയും ചുണ്ടുകള് മിനുസമുള്ളതാവുകയും ചെയ്യും.
അടുത്ത പേജില് തുടരുന്നു
ബീറ്റ്റൂട്ട്
ചുവന്നു തുടുത്ത അധരങ്ങള്ക്കായി മറ്റൊരു ഉത്തമ മാര്ഗമാണ് ബീറ്റ്റൂട്ട്. ബീറ്റ്റൂട്ടിലെ പ്രകൃദിദത്തമായ ബ്ലീച്ചിങ് ഘടകങ്ങള് ചുണ്ടിലെ കറുത്ത നിറം ഇല്ലാതാക്കും. എന്നും കിടക്കുന്നതിനു തൊട്ടു മുമ്പായി ബീറ്റ്റൂട്ട് നീര് ചുണ്ടില് പുരട്ടാം. അടുത്ത ദിവസം കഴുകിക്കളയുക. ബീറ്റ്റൂട്ടിലെ ചുവപ്പു നിറമുള്ള നീര് ചുണ്ടുകള്ക്കു നിറം പകരും. ക്യാരറ്റ് ജ്യൂസും ബീറ്റ്റൂട്ട് ജ്യൂസും മിക്സ് ചെയ്ത് ചുണ്ടില് പുരട്ടി പത്തു മിനുട്ടോളം മസാജ് ചെയ്ത് ഇളംചൂടുവെള്ളത്തില് കഴുകി കളഞ്ഞാല് ചുണ്ടിന്റെ നിറം വര്ദ്ധിക്കുന്നത് നിങ്ങള്ക്ക് തന്നെ അനുഭവപ്പെടും.
അടുത്ത പേജില് തുടരുന്നു
നാച്ചുറല് ലിപ് സ്ക്രബര്
ആഴ്ചയിലൊരിക്കല് നാച്ചുറല് ലിപ് സ്ക്രബര് ഉപയോഗിക്കുന്നത് ചുണ്ടുകള്ക്കു നല്ലതാണ്. ഇതു ഏതാനും തുള്ളി ഒലിവ് എണ്ണയിലേക്ക് ഒരു ടീസ്പൂണ് പഞ്ചസാര ചേര്ത്ത് മസാജ് ചെയ്യാം. കഴുകി കളഞ്ഞതിനു ശേഷം വെണ്ണയോ ലിപ് മോയ്സ്ചറൈസറോ ഇടാം.
അടുത്ത പേജില് തുടരുന്നു
തേന്
എന്നും കിടക്കുന്നതിനു മുന്പായി കുറച്ച് തേന് ചുണ്ടുകളില് പുരട്ടുന്നത് അധരങ്ങളെ ചുവപ്പിക്കുന്നതിന് സഹായിക്കുന്നു. മാത്രമല്ല പുകവലി കാരണം കറുത്തു പോയ ചുണ്ടുകളുടെ നിറം തിരിച്ചു നേടാനും ഈ ചികിത്സാ രീതിയെ ആശ്രയിക്കാവുന്നതാണ്.
വേനല്ക്കാലത്തെ മറ്റ് ആരോഗ്യ പരിചരണങ്ങള്ക്കൊപ്പം അധരങ്ങളെയും ആരോഗ്യത്തോടെ സൂക്ഷിക്കാന് ഇനി ഇത്തരം മാര്ഗങ്ങളും പരീക്ഷിച്ചു നോക്കൂ.