ഇന്ത്യന് സൂപ്പര് താരം ദേവ്ദത്ത് പടിക്കല് ടീമില് സ്ഥാനമുറപ്പിച്ചെന്ന് മുന് ഇന്ത്യന് താരം ക്രിസ് ശ്രീകാന്ത്. സായ് സുദര്ശന് പകരം ടീമില് എത്തിയ താരമായിരുന്നു പടിക്കല്. മൂന്നാം നമ്പറില് ലഭിച്ച അവസരങ്ങളില് സായ് സുദര്ശന് മികച്ച പ്രകടനം നടത്തിയിട്ടുണ്ടെങ്കിലും ദേവ്ദത്ത് പടിക്കല് മികച്ച പ്രകടനമാണ് നടത്തുന്നതെന്ന് ശ്രീകാന്ത് ചൂണ്ടിക്കാട്ടി.
‘സായ് സുദര്ശന് ഇപ്പോള് ബുദ്ധിമുട്ടിലായിരിക്കുകയാണ്. ലഭിച്ച അവസരങ്ങളില് മൂന്നാം നമ്പറില് അദ്ദേഹം മികച്ച പ്രകടനം നടത്തിയിട്ടുണ്ട്. എന്നാല് ദേവ്ദത്ത് പടിക്കല് ടീമിലെ തന്റെ സ്ഥാനം ഉറപ്പിച്ചുകഴിഞ്ഞതായി തോന്നുന്നു. പരിക്കിന്റെ പേരില് ഒരു മത്സരവും സായ് സുദര്ശന് നഷ്ടപ്പെടുത്താന് കഴിയുമായിരുന്നില്ല. അമിതമായ ക്രിക്കറ്റ് കളിക്കേണ്ടിവരുന്നു എന്ന കാരണം പറഞ്ഞ് ഒഴിഞ്ഞുമാറാനാകില്ല. എല്ലാവരും തങ്ങളുടെ ഫിറ്റ്നസ് ഉറപ്പാക്കേണ്ടതുണ്ട്.
ഈ സെഞ്ച്വറിക്ക് ശേഷം പടിക്കലിനെ ടീമില് നിന്ന് ഒഴിവാക്കാനാകില്ല. ഇതോടെ സുദര്ശന് അവസരങ്ങള് ലഭിക്കാനുള്ള സാധ്യതകള് കുറഞ്ഞിരിക്കുകയാണ്. പടിക്കലിന്റെ തിരിച്ചുവരവ് അതിശയിപ്പിക്കുന്നതാണ്. ബാറ്റിങ്ങില് അദ്ദേഹത്തിന് മികച്ച ശൈലിയുണ്ട്. ആഭ്യന്തര ക്രിക്കറ്റിലും ഐ.പി.എല്ലിലും അദ്ദേഹം മികച്ച ഫോമിലായിരുന്നു. അദ്ദേഹത്തിന്റെ ഷോട്ടുകളും മികച്ചതായിരുന്നു.
ആഭ്യന്തര ക്രിക്കറ്റിലെ പ്രകടനങ്ങള്ക്ക് എത്രത്തോളം പ്രാധാന്യമുണ്ടെന്ന് കാണിക്കുന്ന മികച്ച ഉദാഹരണമാണിത്. ഇനി താരങ്ങള് രഞ്ജി ട്രോഫി, ദുലീപ് ട്രോഫി പോലുള്ള ടൂര്ണമെന്റുകളെ കൂടുതല് ഗൗരവത്തോടെ കാണും. കാരണം ഇന്ത്യക്കായി കളിക്കണമെങ്കില് ഐ.പി.എല്ലില് മാത്രം മികച്ച പ്രകടനം നടത്തിയാല് മതിയാകില്ലെന്ന് അവര് മനസിലാക്കും,’ ശ്രീകാന്ത് തന്റെ യൂട്യൂബ് ചാനലില് പറഞ്ഞു.
ശ്രീലങ്കക്കെതിരെയുള്ള ആദ്യ ടെസ്റ്റില് വമ്പന് വിജയം സ്വന്തമാക്കിയിരിക്കുകയാണ് ഇന്ത്യ. ലങ്കയുടെ തട്ടകമായ ഗല്ലെയില് നടന്ന മത്സരത്തില് 165 റണ്സിന്റെ കൂറ്റന് വിജയമാണ് ഇന്ത്യ സ്വന്തമാക്കിയത്. 372 റണ്സ് വിജയലക്ഷ്യം പിന്തുടര്ന്നിറങ്ങിയ ശ്രീലങ്ക 206 റണ്സിന് പുറത്താകുകയായിരുന്നു.
ഇന്ത്യയ്ക്ക് വേണ്ടി മികച്ച ബാറ്റിങ് പ്രകടനം നടത്തിയത് സൂപ്പര് താരം ദേവ്ദത്ത് പടിക്കലാണ്. ആദ്യ ഇന്നിങ്സില് സെഞ്ച്വറി നേടിയാണ് താരം കരുത്ത് കാട്ടിയത്. 230 പന്തുകളില് നിന്നും 15 ഫോറുകളും ഒരു സിക്സും അടക്കം 167 റണ്സാണ് പടിക്കല് സ്വന്തമാക്കിയത്. രണ്ടാം ഇന്നിങ്സില് 75 പന്തില് 44 റണ്സ് നേടിയും താരം മികവ് പുലര്ത്തി. ദേവ്ദത്താണ് മത്സരത്തിലെ താരവും.
Content Highlight: Kris Srikkanth Talking About Sai Sudharsan And Devdutt Padikkal
ശ്രീലങ്കക്കെതിരെയുള്ള ആദ്യ ടെസ്റ്റില് വമ്പന് വിജയം സ്വന്തമാക്കിയിരിക്കുകയാണ് ഇന്ത്യ. ലങ്കയുടെ തട്ടകമായ ഗല്ലെയില് നടന്ന മത്സരത്തില് 165 റണ്സിന്റെ കൂറ്റന് വിജയമാണ് ഇന്ത്യ സ്വന്തമാക്കിയത്. 372 റണ്സ് വിജയലക്ഷ്യം പിന്തുടര്ന്നിറങ്ങിയ ശ്രീലങ്ക 206 റണ്സിന് പുറത്താകുകയായിരുന്നു.