17ാം വയസിൽ സാക്ഷ്യം എന്ന ചിത്രത്തിലൂടെ അഭിനയരംഗത്തേക്ക് കടന്നുവന്ന നടിയാണ് മഞ്ജു വാര്യർ. പിന്നീട് സല്ലാപം എന്ന ചിത്രത്തിലെ നായികാകഥാപാത്രത്തിലൂടെ ശ്രദ്ധേയയായി. അതിനു ശേഷം ഏകദേശം 20 ഓളം മലയാള സിനിമകളിൽ മൂന്ന് വർഷത്തെ കാലയളവിൽ വ്യത്യസ്തമായ ഒട്ടേറെ നായികാ കഥാപാത്രങ്ങളിലൂടെ മഞ്ജു പ്രേക്ഷകരെ വിസ്മയിപ്പിച്ചു.

ഈ പുഴയും കടന്ന് എന്ന ചിത്രത്തിലെ അഭിനയത്തിന് മഞ്ജു മികച്ച അഭിനേത്രിക്കുള്ള സംസ്ഥാന ചലച്ചിത്ര അവാർഡ് സ്വന്തമാക്കി. കണ്ണെഴുതി പൊട്ടും തൊട്ട് എന്ന ചിത്രത്തിലെ അഭിനയത്തിന് ദേശീയ ജൂറിയുടെ പ്രത്യേക പരാമർശവും ലഭിച്ചിട്ടുണ്ട്. 1999ൽ അഭിനയം നി‍ർത്തിയെങ്കിലും 2014ൽ ഹൗ ഓൾഡ് ആർ യു എന്ന സിനിമയിലൂടെ മഞ്ജു സിനിമയിലേക്ക് തിരിച്ചുവരവ് നടത്തി. ഇപ്പോൾ സിനിമയെക്കുറിച്ച് സംസാരിക്കുകയാണ് നടി.

വിജയിച്ച സിനിമകളും പരാജയപ്പെട്ട സിനിമകളും തനിക്ക് മാത്രമല്ലെന്നും എല്ലാവർക്കും ഉണ്ടെന്നും നടി പറയുന്നു. നന്നാകണം എന്ന ആഗ്രഹത്തോട് കൂടിയാണ് എല്ലാവരും സിനിമ ചെയ്യുന്നതെന്നും സിനിമ ഇറങ്ങിക്കഴിഞ്ഞ് പ്രേക്ഷകർ വിധി പറയുമ്പോഴാണ് അന്തിമവിജയം അറിയാൻ പറ്റുകയുള്ളുവെന്നും മഞ്ജു പറഞ്ഞു.

എല്ലാ സിനിമയുടെ കാര്യത്തിലും അങ്ങനെത്തന്നെയാണെന്നും നടി കൂട്ടിച്ചേർത്തു. ബിഹൈൻവുഡ്സിനോട് സംസാരിക്കുകയായിരുന്നു അവർ.

‘വിജയിച്ച സിനിമകളും പരാജയപ്പെട്ട സിനിമകളും എനിക്ക് മാത്രമല്ല, എല്ലാവർക്കും ഉണ്ട്. നന്നാകണം എന്ന ആഗ്രഹത്തോട് കൂടിയാണ് എല്ലാവരും സിനിമ ചെയ്യുന്നത്. വിജയം എന്തായിരിക്കും എന്നുള്ളത്, സിനിമ ഇറങ്ങിക്കഴിഞ്ഞ് പ്രേക്ഷകർ വിധി പറയുമ്പോഴാണ് സിനിമയുടെ അന്തിമവിജയം എന്താണെന്നുള്ളത് നമുക്ക് അറിയാൻ പറ്റത്തുള്ളു. എല്ലാ സിനിമയുടെ കാര്യത്തിലും അങ്ങനെ തന്നെയാണ്,’ മഞ്ജു പറയുന്നു.

Content Highlight: I’m not the only one who has failed films; the audience decides the final verdict says Manju Warrier