ഇന്ത്യന് ബൗളിങ് ഓള്റൗണ്ടര് മാനവ് സുതറിനെ പ്രശംസിച്ച് മുന് താരം മുരളി കാര്ത്തിക്. മാനവ് മികച്ച ബൗളറാണെന്നും അഫ്ഗാനിസ്ഥാനെതിരെ താരം മികച്ച രീതിയില് പന്ത് റിലീസ് ചെയ്യുന്നതും സ്ഥിരതയോടെ ബൗള് ചെയ്യുന്നതും കാണാന് സാധിച്ചെന്നും അദ്ദേഹം പറഞ്ഞു. വളരെക്കാലത്തിന് ശേഷമാണ് ഇതുപോലൊരു ബൗളറെ കാണുന്നതെന്നും കാര്ത്തിക് പറഞ്ഞു.
‘അദ്ദേഹം വളരെ മികച്ചൊരു ബൗളറാണെന്നാണ് ഞാന് കരുതുന്നത്. അദ്ദേഹത്തെ മറ്റാരുമായും താരതമ്യം ചെയ്യേണ്ടതില്ല. അദ്ദേഹം ഒരു ‘ഓള്ഡ് സ്കൂള്’ ബൗളറാണ്. ബൗളിങ്ങില് നിരവധി കാര്യങ്ങള് വളരെ മികച്ച രീതിയില് ഒത്തുചേരുന്നുണ്ട്. അഫ്ഗാനിസ്ഥാനെതിരായ ആ മത്സരം ഞാന് കമന്ററി ചെയ്യുമ്പോള് വളരെയധികം സന്തോഷം തോന്നിയിരുന്നു.
കാരണം, ഒരാള് എത്രയോ മികച്ച രീതിയില് പന്ത് റിലീസ് ചെയ്യുന്നതും സ്ഥിരതയോടെ ബൗള് ചെയ്യുന്നതും കാണാന് സാധിച്ചു. വളരെക്കാലത്തിന് ശേഷമാണ് ഇതുപോലൊരു ബൗളറെ നമ്മള് കാണുന്നത്. ഒരുപക്ഷേ, ഇന്ത്യയെ സംബന്ധിച്ചിടത്തോളം ഈ സമയം വളരെ മികച്ചതാണ്,’ സോണി സ്പോര്ട്സ് നെറ്റ് വര്ക്കില് മുരളി കാര്ത്തിക് പറഞ്ഞു.മാനവ് സുതര്: India today.com
ബൗളിങ് ഓള്റൗണ്ടറായ മാനവ് അഫ്ഗാനിസ്ഥാനെതിരെയാണ് ഇന്ത്യയ്ക്ക് വേണ്ടി അരങ്ങേറിയത്. റെഡ് ബോളിലെ ആദ്യ മത്സരത്തില് ഏഴ് വിക്കറ്റുകള് നേടി മിന്നും പ്രകടനമാണ് താരം കാഴ്ചവെച്ചത്. 6/33 എന്ന മികച്ച ബൗളിങ് പ്രകടനവും താരത്തിനുണ്ട്. ബാറ്റിങ്ങില് 28 റണ്സും താരം നേടി.
ഫസ്റ്റ് ക്ലാസില് 32 മത്സരങ്ങളിലെ 58 ഇന്നിങ്സില് നിന്ന് 147 വിക്കറ്റുകളാണ് താരം നേടിയത്. 52 ഇന്നിങ്സില് നിന്ന് 1071 റണ്സും താരത്തിനുണ്ട്.
പരമ്പരയിലെ ആദ്യ മത്സരം ഓഗസ്റ്റ് 15 മുതല് 19 വരെ ഗല്ലെയിലാണ് നടക്കുന്നത്. രണ്ടാം മത്സരം ഓഗസ്റ്റ് 23 മുതല് 27 വരെ കൊളംബോയിലും നടക്കും. പരമ്പരയ്ക്ക് മുന്നോടിയായി ഇരു ടീമുകളും സ്ക്വാഡ് പുറത്ത് വിട്ടിട്ടുണ്ട്.
മാനവ് സുതര്: India today.com
