![?php echo $post['title']; ?>](https://assets.doolnews.com/w/900x473/2022/09/rohit-sharma-1.jpg)
വിരാടില് നിന്നും നായക സ്ഥാനമേറ്റെടുത്ത ശേഷം ആ ഉത്തരവാദിത്തം വൃത്തിയായി കൊണ്ടുപോകാന് രോഹിത്തിനാവുന്നുണ്ട്. ഇപ്പോള് നടന്നുകൊണ്ടിരിക്കുന്ന ഏഷ്യാ കപ്പും വരാനിരിക്കുന്ന ടി-20 ലോകകപ്പും രോഹിത് തങ്ങള്ക്ക് കൊണ്ടുവന്നു തരുമെന്ന് തന്നെയാണ് ആരാധകര് ഉറച്ചുവിശ്വസിക്കുന്നത്.
ആരാധകരുടെ പ്രതീക്ഷ കാക്കുന്ന പ്രകടനമാണ് രോഹിത്തും ഇന്ത്യന് ടീമും നടത്തിക്കൊണ്ടിരിക്കുന്നത്. പാകിസ്ഥാനെയും ഹോങ്കോങ്ങിനെയും തോല്പിച്ച ഇന്ത്യ ഗ്രൂപ്പ് എയില് നിന്നും സൂപ്പര് ഫോറിലെത്തുന്ന ആദ്യ ടീമായും മാറിയിരുന്നു.
എന്നാല് ആരാധകര്ക്കിപ്പോള് ആ ആവേശവും സന്തോഷവുമല്ല ഉള്ളത്. മറിച്ച് ഒരു തരത്തിലുള്ള കണ്ഫ്യൂഷനാണ് ഇപ്പോഴുള്ളത്. രോഹിത് ശര്മയുടെ പുതിയ ഇന്സ്റ്റഗ്രാം പോസ്റ്റ് കണ്ടാണ് ആരാധകര് വണ്ടറടിച്ചിരിക്കുന്നത്.
മെഗാ ബ്ലോക്ക്ബസ്റ്റര് എന്നെഴുതിയ താരത്തിന്റെ ഒരു പോസ്റ്ററാണ് ഇന്സ്റ്റഗ്രാമിലൂടെ രോഹിത് പങ്കുവെച്ചിരിക്കുന്നത്. പോസ്റ്ററിന് താഴെ സെപ്റ്റംബര് നാലിന് ട്രെയ്ലര് റിലീസ് ചെയ്യുമെന്നും കൊടുത്തിട്ടുണ്ട്.
