![?php echo $post['title']; ?>](https://assets.doolnews.com/w/900x473/2024/07/coldplay.jpg)
ലോകത്തിലെ ഏറ്റവും വലിയ സംഗീത പരിപാടികളില് ഒന്നാണ് ഗ്ലാസ്റ്റണ്ബെറി മ്യൂസിക് ഫെസ്റ്റിവല്. സംഗീതത്തിന് പുറമെ ഡാന്സ്, ജാസ്, നാടകം, സര്ക്കസ്, സിനിമ, മൈം തുടങ്ങിയ നിരവധി പരിപാടികള് നടക്കുന്ന ഫെസ്റ്റിവലാണ് ഇത്.
ഇംഗ്ലണ്ടില് നടന്ന ഈ വര്ഷത്തെ ഗ്ലാസ്റ്റണ്ബെറിയില് ഗസ യുദ്ധത്തില് വെടിനിര്ത്തലിന് ആവശ്യപ്പെട്ട് ഡസണ് കണക്കിന് ആളുകളായിരുന്നു ഫലസ്തീന് പതാകകളും ബാനറുമായി എത്തിയത്. ഇന്നലെ ലോക പ്രശസ്ത മ്യൂസിക് ബാന്ഡ് ആയ കോള്ഡ്പ്ലേയും ഗ്ലാസ്റ്റണ്ബെറിയില് തങ്ങളുടെ ഫലസ്തീന് ഐക്യദാര്ഢ്യം പ്രകടിപ്പിച്ചു.
ഗ്ലാസ്റ്റണ്ബെറിയില് ഫലസ്തീന് – ചിലിയന് ഗായികയായ ഇലിയാനയെ കൊണ്ട് പാട്ടു പാടിച്ചാണ് കോള്ഡ്പ്ലേ തങ്ങളുടെ ഫലസ്തീന് ഐക്യദാര്ഢ്യം അറിയിച്ചത്.
ബാന്ഡിന്റെ റിലീസ് ചെയ്യാനിരിക്കുന്ന ആല്ബത്തിലെ ‘ഞങ്ങള് പ്രാര്ത്ഥിക്കുന്നു’ എന്ന് തുടങ്ങുന്ന ഗാനത്തിന് ഇടയിലാണ് ഇലിയാനയെ കൊണ്ട് പാടിച്ചത്. ഇലിയാനക്ക് പുറമെ ലിറ്റില് സിംസും ഈ ഗാനം ആലപിച്ചു.
ലോകത്ത് നടക്കുന്ന പ്രശ്നങ്ങള്ക്കും അനീതികള്ക്കും പ്രതികരിക്കാന് മടിയില്ലാത്തവരാണ് കോള്ഡ്പ്ലേ. അഞ്ചാം തവണയാണ് അവര് ഗ്ലാസ്റ്റണ്ബെറി മ്യൂസിക് ഫെസ്റ്റിവലില് പങ്കെടുക്കുന്നത്. ലക്ഷക്കണക്കിന് കാണികളുണ്ടായിരുന്ന പരിപാടിയായിരുന്നു ഇത്.
Content Highlight: Coldplay Express Their Solidarity With Palestine At World’s Biggest Music Concert Glastonbury
