![?php echo $post['title']; ?>](https://assets.doolnews.com/w/900x473/2019/12/supream.jpg)
ന്യൂദല്ഹി: പൗരത്വ നിയമത്തെ ചോദ്യം ചെയ്തുള്ള ഹരജികള് സുപ്രീംകോടതി ഇന്ന് പരിഗണിക്കും. ചീഫ് ജസ്റ്റിസ് എസ്.എ. ബോബ്ഡെയുടെ അധ്യക്ഷതയില് ജസ്റ്റിസുമാരായ ബി.ആര്. ഗവായ്, സൂര്യകാന്ത് എന്നിവരടങ്ങുന്ന ബെഞ്ചാണ് കേസുകള് പരിഗണിക്കുക.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
അറുപതോളം ഹരജികളാണ് സുപ്രീംകോടതിയില് പൗരത്വ നിയമത്തെ ചോദ്യം ചെയ്ത് എത്തിയിരിക്കുന്നത്. രാജ്യത്തെ ഒട്ടുമിക്ക പ്രതിപക്ഷപാര്ട്ടികളും അവയുടെ പ്രതിനിധികളും സന്നദ്ധസംഘടനകളും സാമൂഹികപ്രവര്ത്തകരുമെല്ലാം ഹരജി നല്കിയിട്ടുണ്ട്.
ഹരജിക്കാര്ക്കുവേണ്ടി മുതിര്ന്ന അഭിഭാഷകന് കപില് സിബലാകും വാദങ്ങള് നയിക്കുക. നിയമം ഭരണഘടനാവിരുദ്ധമാണെന്നാണ് പ്രതിപക്ഷ കക്ഷികളുടെ വാദം.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
ഹരജികളില് വാദംകേള്ക്കാനാണ് സുപ്രീംകോടതി തീരുമാനിക്കുന്നതെങ്കില് കേന്ദ്രസര്ക്കാരിന് നോട്ടീസയച്ച ശേഷമാകും തുടര്നടപടികള്.
ഇന്ത്യന് യൂണിയന് മുസ്ലിം ലീഗ്, കേരള മുസ്ലിം ജമാഅത്ത് (കാന്തപുരം എ.പി. അബൂബക്കര് മുസ്ലിയാര്), ജയ്റാം രമേഷ്, രമേശ് ചെന്നിത്തല, ടി.എന്. പ്രതാപന്(കോണ്ഗ്രസ്) ഡി.വൈ.എഫ്.ഐ., ലോക് താന്ത്രിക് യുവജനതാദള്, എസ്.ഡി.പി.ഐ., ഡി.എം.കെ., അസദുദ്ദീന് ഒവൈസി (എ.ഐ.എം.ഐ.എം) തമിഴ്നാട് മുസ്ലിം മുന്നേറ്റ കഴകം, പ്രൊഫ. മനോജ് കുമാര് ഝാ (ആര്.ജെ.ഡി.), മഹുവ മോയിത്ര (തൃണമൂല് കോണ്ഗ്രസ്), അസം സ്റ്റുഡന്റ്സ് യൂണിയന്, അസം ഗണപരിഷത്, അസം അഭിഭാഷക അസോസിയേഷന്, അസം പ്രദേശ് കോണ്ഗ്രസ് കമ്മിറ്റി, ജമിയത് ഉലമ ഇ ഹിന്ദ് , മുസ്ലിം അഡ്വക്കറ്റ്സ് അസോസിയേഷന് തുടങ്ങിയവരാണ് ഹരജിക്കാര്.
WATCH THIS VIDEO
