വിജയത്തിന് പുറമെ ഒരു വമ്പന് തിരിച്ചടി കൂടിയാണ് കാറ്റാലന്മാര്ക്ക് നേരിടേണ്ടി വന്നത്. മത്സരത്തില് ലാമിന് യമാലിന് പരിക്കേറ്റതാണ് ബാഴ്സയെ വെട്ടിലാക്കിയിരിക്കുന്നത്. ഇതോടെ യമാലിന് സീസണില് ശേഷിക്കുന്ന മത്സരം നഷ്ടമാവുമെന്നാണ് മെഡിക്കല് ടീമിന്റെ റിപ്പോര്ട്ട്. സീസണില് ഇനി ബാഴ്സയ്ക്ക് വേണ്ടി കളിക്കാന് സാധിക്കില്ലെന്ന് താരം സോഷ്യല് മീഡിയയില് പറഞ്ഞിരുന്നു.
The tests carried out have confirmed that first-team player Lamine Yamal has a hamstring injury in his left leg (biceps femoris muscle).
The player will follow a conservative treatment plan. Lamine Yamal will miss the remainder of the season, and he is expected to be available… pic.twitter.com/8UU4Bg9bDh
‘ഈ പരിക്ക് എന്നെ കളിക്കളത്തില് നിന്ന് മാറ്റി നിര്ത്തുന്നു, എനിക്ക് വിശദീകരിക്കാന് കഴിയാത്തതിലും വലിയ വേദനയാണത്. എന്റെ സഹതാരങ്ങളോടൊപ്പം കളിക്കാന് കഴിയാത്തതും, ടീമിന് എന്നെ ആവശ്യമുള്ളപ്പോള് സഹായിക്കാന് കഴിയാത്തതും വേദനാജനകമാണ്. പക്ഷേ ഞാന് അവരില് വിശ്വസിക്കുന്നു, എല്ലാ കളികളിലും അവര് അവരുടെ ആത്മാവ് നല്കുമെന്ന് എനിക്കറിയാം.
പുറത്തു നിന്നായാലും, ടീമിനെ പിന്തുണയ്ക്കുകയും പ്രോത്സാഹിപ്പിക്കുകയും മുന്നോട്ട് കൊണ്ടുപോകുകയും ചെയ്യാന് ഞാന് അവിടെ ഉണ്ടാകും. ഇത് അവസാനമല്ല, ഇത് ഒരു ഇടവേള മാത്രമാണ്. ഞാന് കൂടുതല് ശക്തമായി തിരിച്ചുവരും,’ യമാല് പറഞ്ഞതായി ഫുട്ബോള് എസ്പാന റിപ്പോര്ട്ട് ചെയ്തു.
അതേസമയം ലാലിഗയില് 32 മത്സരങ്ങളില് നിന്ന് 27 വിജയവും ഒരു സമനിലയും നാല് തോല്വിയുമായി ഒന്നാം സ്ഥാനത്താണ് ബാഴ്സലോണ. 82 പോയിന്റുകളാണ് കാറ്റാലന്പട സ്വന്തമാക്കിയത്. പോയിന്റ് ടേബിളില് രണ്ടാം സ്ഥാനത്തുള്ള റയല് മാഡ്രിഡ് 32 മത്സരങ്ങളില് നിന്ന് 23 വിജയവും നാല് സമനിലയും അഞ്ച് തോല്വിയുമടക്കം 73 പോയിന്റാണ് നേടിയത്.
